„ნაციონალური მოძრაობის" ერთ-ერთი ლიდერი, ზაალ უდუმაშვილი აცხადებს, რომ ქვეყანაში ეპიდვითარების თვალსაზრისით მძიმე მდგომარეობაა. როგორც მან ჟურნალისტებს განუცხადა, ქვეყნის ჯანდაცვის სისტემა სრული კოლაფსის წინაშეა.

„თუ შეზღუდვები იმისკენ იქნება მიმართული, რომ ჩვენ კოვიდ პანდემიას ვებრძვით, რა თქმა უნდა, მისაღები იქნება, მაგრამ თუ შეზღუდვებს ვიღებთ იმისთვის, რომ ქუჩებში პოლიტიკური პარტიების აქტივობები შევაჩეროთ, ეს სხვა თემაა. ზოგადად, ვფიქრობ, ეს ყველაფერი ძალიან დაგვიანებულია. ჩვენ ვნახეთ, რომ ჯანდაცვის სისტემა სრულად ჩამოშლილია და კოვიდ პანდემიას ვერ უმკლავდება. ახლა შეზღუდვების დაწესებით, ვითარებიდან გამოსვლის ძებნა არ მგონია, რომ მართებული იყოს. ჩვენ დღეს გვაქვს ჯანდაცვის სისტემის კოლაფსი და გვყავს ადამიანები, რომლებიც პრაქტიკულად უპატრონოდ არიან დარჩენილები",-განაცხადა უდუმაშვილმა.

მისი თქმით, ხელისუფლებას სათანადო ნაბიჯები ზაფხულში უნდა გადაედგა და ქვეყანა კორონავირუსის მეორე ტალღისთვის უნდა მომზადებულიყო