გიგი უგულავა - არ ვაპირებთ პარლამენტში შესვლას - კრიზისიდან გამოსვლის გზა წაყრუება, ენის მოჩლექვა და „გაპრავება" არ არის

კრიზისიდან გამოსვლის გზა წაყრუება, ენის მოჩლექვა და „გაპრავება" არ არის, არამედ ერთი სწორი გამოსავალია - მანკიერი წრე, რომელზეც 30 წელია ვტრიალებთ ერთხელ და სამუდამოდ დასრულდეს და არჩევნების ჩატარებით ხარისხობრივად ახალ დონეზე გავიდეთ, - ამის შესახებ „ევროპული საქართველოს" ერთ-ერთმა ლიდერმა გიგი უგულავამ „ლელოში" გაერთიანებული ოპოზიციის შეხვედრის დაწყებამდე ჟურნალისტებთან განაცხადა.

მისივე თქმით, საერთაშორისო პარტნიორების მოწოდების მიუხედავად, პარლამენტში შესვლაზე უარს ამბობენ.

„მთავარ საკითხში, რომ არჩევნები გაყალბდა და იყო უმსგავსობა, ჩვენი საერთაშორისო პარტნიორები გვეთანხმებიან და საქართველოს მოქალაქეების უდიდეს უმრავლესობას ეთანხმებიან. რა თქმა უნდა, მათი მხრიდან მოწოდებებია - მიუხედავად იმისა, რომ გაყალბდა და დაპირება იყო ხელისუფლების მხრიდან წინა უმსგავსო არჩევნებს გამოვასწორებთო, მაინც მოგვიწოდებენ, რომ იქნებ პარლამენტში შესვლაზე გეფიქრათო. ჩვენი პასუხია - არა! არ ვაპირებთ პარლამენტში შესვლას, მაგრამ მადლობას ვუხდით ჩვენს პარტნიორებს, მათ შორის იმ ნაწილში, რომ ისინი ჩვენსავით სისტემურ პრობლემას ხედავენ, მათ შორის იმ ნაწილში, რაც ამ არჩევნებმა მოიტანა, მაგრამ ჩვენ მყარად მიგვაჩნია, რომ კრიზისიდან გამოსვლის გზა წაყრუება, ენის მოჩლექვა და „გაპრავება" არ არის, არამედ ერთი სწორი გამოსავალია - მანკიერი წრე, რომელზეც 30 წელია ვტრიალებთ, ერთხელ და სამუდამოდ დასრულდეს და არჩევნების ჩატარებით ხარისხობრივად ახალ დონეზე გავიდეთ. ამიტომ ჩვენს პარტნიორებს ჩართულობისთვის დიდ მადლობას ვუხდით, ასევე მესამე რაუნდს ველოდებით, თუ ხელისუფლება აზრიანი წინადადებით მოვა, მაგრამ ჩვენი მყარი პოზიციაა, რომ ასეთ ვითარებაში გამორიცხულია ოპოზიციამ პარლამენტში მონაწილეობა მიიღოს“, - განაცხადა უგულავამ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა