შაქარაშვილის მკვლელობაში ბრალდებული 5 პირის სასამართლო პროცესი ადვოკატის კორონავირუსით დაინფიცირების გამო გადაიდო

ფეხბურთელ გიორგი შაქარაშვილის მკვლელობაში ბრალდებული 5 პირის სასამართლო პროცესი გადაიდო. აღნიშნულის მიზეზი ამავე საქმის სხვა ეპიზოდზე ერთ-ერთი დაკავებულის ადვოკატის კორონავირუსით დაინფიცირება გახდა.

სხდომის გადადების შუამდგომლობით სასამართლოს იმ ადვოკატებმა მიმართეს, რომელთაც ინფიცირებულ უფლებადამცველთან ჰქონდათ ახლო კონტაქტი. როგორც საქმის პროკურორმა დავით ყაზარაშვილმა ჟურნალისტებს განუცხადა, მოსამართლემ მხოლოდ დღევანდელი სხდომა გადადო, თუმცა, მომდევნო სხდომისთვის ადვოკატებს ტესტირების პასუხის წარმოდგენა დაავალა.

ბრალდებულ ვახტანგ ჩიქოვანის ადვოკატის ლელა გოგოლაძის განცხადებით, მისი დაცვის ქვეშ მყოფთან იმ ადვოკატს ჰქონდა კომუნიკაცია, ვისაც კორონავირუსი დაუდგინდა. შესაბამისად, ადვოკატი ამბობს, რომ ბრალდებულებასაც ტესტირება უნდა ჩაუტარდეთ და აღნიშნულთან დაკავშირებით, ისინი სასჯელაღსრულების დაწესებულებას მიმართავენ.

"ვახტანგ ჩიქოვანთან კონტაქტი ჰქონდა მის ადვოკატს, რომელსაც კორონავირუსი დაუდასტურდა, აღნიშნულ ადვოკატთან კი ვინაიდან 5 ადვოკატს ჰქონდა კომუნიკაცია, ისინი ამ მიზეზით სხდომაზე ვერ გამოცხადდნენ, თუმცა, პროცესს დისტანციურად დაესწრნენ. მოსამართლემ მათ დაავალა შემდეგ სხდომაზე ტესტირების პასუხის წარმოადგენა. გასარკვევია ბრალდებულების ჯანმრთელობის მდგომარეობაც, არიან თუ არა ისინიც ინფიცირებულები, რადგან მათაც ჰქონდათ ადვოკატებთან შეხება. აღნიშნულთან დაკავშირებით, სასჯელაღსრულების დაწესებულებას მივაწოდებთ ინფორმაციას",- განაცხადა გოგოლაძემ.

შემდეგი სასამართლო 26 ნოემბერს, 11:00 საათზე გაიმართება.

ცნობისთვის, ფეხბურთელ გიორგი შაქარაშვილის განზრახ ჯგუფურად მკვლელობას არჩილ გაგნიძეს, ნიკოლოზ რევაზიშვილს, ვახტანგ ჩიქოვანს, ზ.ხ-ს და ა.ქ.-ს ედავებიან.

გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
ქართული პრესის მიმოხილვა 20.01.2022
ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს