მთიან ყარაბაღის ქელბაჯარის რაიონს სომხეთის შეიარაღებული ძალების ბოლო ქვედანაყოფები ტოვებენ, რომელიც შუაღამიდან აზერბაიჯანის იურისდიქციაში უნდა გადავიდეს. ამის შესახებ „რია ნოვოსტი“ იუწყება.
შეიარაღებულმა ძალებმა, რომლებიც აღნიშნულ რაიონში იმყოფებოდნენ, ააფეთქეს ყაზარმები და შენობები და დატოვეს ტერიტორია, რომლებიც აზერბაიჯანის კონტროლის ქვეშ გადავა.
„ჩვენ აქ ვიყავით მთელი ომის განმავლობაში და მათ არაფერი მივეცით. ჩვენ ვხსნით მოწინავე პოსტებს მთებში და ამის შემდეგ ვაფეთქებთ სამხედრო ნაწილების შენობებს, რათა ისინი აზერბაიჯანს არ ერგოს. ამის შემდეგ მივდივართ სომხეთში. ამ დროისთვის ჩვენი ნაწილი ერთ-ერთი უკანასკნელია“, - განუცხადა ჟურნალისტებს სარდლობის წარმომადგენელმა.
სამხედრო ობიექტების ლიკვიდაციას აკვირდებოდა ქვედანაყოფის სარდლობა.