ბიძინა კულუმბეგოვი - იმ ზღვარში არ უნდა ჩავვარდეთ, როცა ადამიანები, ვისაც ჟანგბადი, ან რეანიმაცია დასჭირდება, სერვისს ვერ მიიღებენ და სახლში დაიღუპებიან

საფრთხე ბუნებრივია არის, როცა კრიტიკულ შეუსაბამობაში შეიძლება აღმოვჩნდეთ პაციენტების რაოდენობასა და ჰოსპიტალური სექტორის შესაძლებლობებს შორის, - ამის შესახებ ალერგოლოგ იმუნოლოგმა ბიძინა კულუმბეგოვმა ჟურნალისტებთან, მთავრობის ადმინისტრაციაში გამართული შეხვედრის დასრულების შემდეგ განაცხადა.

როგორც მან აღნიშნა, იმ შეზღუდვებით, რომელზეც ახლა საუბარია, პანდემიის დასრულება ვერ მოხერხდება, თუმცა, უნდა მოხერხდეს, რომ „პიკური სიტუაცია გადავიყვანოთ პლატოში და არ იყოს ისეთი ზრდა, როცა ვიღებთ ყოველდღიურად ათასობით დაავადებულ ადამიანს.

„ამ ზღვარში არ უნდა ჩავვარდეთ, როცა ადამიანებს, ვისაც დასჭირდებათ ჟანგბადი, ან სარეანიმაციო საწოლი, ისინი ვერ მიიღებენ ამ სერვისს და სახლში დაიღუპებიან. ჩვენ ამის უფლებას ვერ მივცემთ, ბუნებრივია, ადამიანის სიცოცხლე არის ყველაზე მნიშვნელოვანი და სახელმწიფო, როგორც მოვისმინე გააკეთებს ყველაფერს, რომ ზოგადი ეკონომიკური გავლენა იყოს მინიმალური წერტილოვანი შეზღუდვებით და მაქსიმალური შედეგი მივიღოთ. პანდემიის დასრულება ამ შეზღუდვებით ვერ მოხერხდება, აქ ლაპარაკია მდგომარეობის სტაბილიზირებაზე და ამ სტაბილიზირების შემდგომ რამდენიმე თვის განმავლობაში მაქსიმალურად შენარჩუნება, სანამ ვაქცინა არ იქნება და ეფექტური წამალი ხელმისაწვდომი“, - განაცხადა კულუმბეგოვმა.

კულუმბეგოვის თქმით, მას ჰქონდა კონკრეტული მოსაზრებები შეზღუდვებთან დაკავშირებით, თუმცა, შესაძლოა პრემიერმა მათგან მცირე ნაწილი გაითვალისწინოს.

„შეთავაზება არის ყველა იმ ღონისძიებაზე, რომელიც ახდენს ადამიანების მობილობაზე გავლენას, ეს არის ტრანსპორტის სისტემა, საცალო გაყიდვების, არაესენციალური სავაჭრო ობიექტების, ეს არის სატრენაჟორო სივრცეები. როგორ იქნება, რომელ მათგანს შეეხებიან - ეს არის ერთი ადამიანის მოსაზრება და შეიძლება ძალიან დიდ პროცენტში პრემიერმა ეს არ გაითვალისწინოს. სრული "ლოქდაუნი" არ განიხილება, რადგან ქვეყნის ეკონომიკური მდგრადობა ამასთან არის შეუსაბამო, აქ ლაპარაკია მხოლოდ წერტილოვან შეზღუდვებზე დღის გარკვეულ მონაკვეთში, რა, როგორ და კონკრეტულად ეს რამოდენიმე დღეში გახდება ცნობილი საკოორდინაციო საბჭოზე“, - განაცხადა კულუმბეგოვმა.

შეგახსენებთ, მთავრობის ადმინისტრაციაში პრემიერ-მინისტრი ჯანდაცვის სფეროს ექსპერტებს შეხვდა.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა