დონალდ ტრამპი ეროვნული უსაფრთხოების საკითხებში მისი ყოფილი მრჩევლის, მაიკლ ფლინის შეწყალებას გეგმავს, - ამის შესახებ ინფორმაციას Reuters-ი სანდო წყაროზე დაყრდნობით ავრცელებს.
სააგენტო წერს, რომ თუ ტრამპი ფლინს შეიწყალებს, ეს იქნება ყველაზე გახმაურებული შეწყალება, რაც კი დონალდ ტრამპს გაპრეზიდენტების დროიდან განუხორციელებია.
ფლინი ერთ-ერთი პირველი იყო, ვის წინააღმდეგაც ტრამპის 2016 წლის საარჩევნო კამპანიის გუნდსა და რუსეთს შორის შესაძლო გარიგების თაობაზე აშშ-ში გამოძიება ჩატარდა. 2017 წელს ის აშშ-ში რუსეთის ყოფილ ელჩთან ურთიერთობების თაობაზე FBI-სთვის მცდარი ინფორმაციის მიწოდების გამო დამნაშავედ ცნეს. ფლინმა დანაშაული აღიარა.