საქართველოს ახალგაზრდულ ორგანიზაციათა საბჭომ ევროპის ახალგაზრდული ფორუმის ონლაინ გენერალურ ასამბლეაში მიიღო მონაწილეობა

საქართველოს ახალგაზრდულ ორგანიზაციათა საბჭომ ევროპის ახალგაზრდული ფორუმის ონლაინ გენერალურ ასამბლეაში მიიღო მონაწილეობა. როგორც „ინტერპრესნიუსს“ ახალგაზრდულ ორგანიზაციათა საბჭოდან აცნობეს, გენერალური ასამბლეა 20, 21 და 22 ნოემბერს ონლაინ რეჟიმში გაიმართა.

მათი ინფორმაციით, ღონისძიების ფარგლებში შეირჩნენ ევროპის ახალგაზრდული ფორუმის ახალი გამგეობის წევრები.

როგორც ისინი აღნიშნავენ, საქართველოს ახალგაზრდულ ორგანიზაციათა საბჭო ევროპის ახალგაზრდული ფორუმის სრულუფლებიანი წევრია 2000 წლიდან.

„ჩვენთვის ძალინ მნიშვნელოვანია ვიყოთ ევროპის ახალგაზრდული ფორუმის სრულუფლებიანი წევრი, რადგან საქართველოს ახალგაზრდული საბჭო დემოკრატიული, დამოუკიდებელი და გამჭვირვალე ახალგაზრდული ორგანიზაციების პლატფორმაა, რომელიც აერთიანებს ბავშვთა და ახალგაზრდულ ორგანიზაციებს საქართველოში, წარმოადგენს მათ ინტერესებს და ადვოკატირებას უწევს მათ ინიციატივებს როგორც ადგილობრივ, ისე საერთაშორისო დონეზე, მათ შორის, ევროპის ახალგაზრდულ ფორუმზე, რომელიც ევროპაში ერთ-ერთი ყველაზე მნიშვნელოვანი წარმომადგენელი სტრუქტურაა. ევროპის ახალგაზრდული ფორუმი დამოუკიდებელი, დემოკრატიული, ახალგაზრდობის მიერ მართული პლატფორმაა, რომელიც წარმოადგენს 99 ნაციონალურ ახალგაზრდულ საბჭოს და ახალგაზრდულ საერთაშორისო ორგანიზაციებს მთელი ევროპიდან. ევროპის ახალგაზრდული ფორუმი აერთიანებს ათობით მილიონ ახალგაზრდას მთელი ევროპის მასშტაბით, მათი საერთო ინტერესების წარმოსაჩენად. ის ისწრაფვის ახალგაზრდობის უფლებებისკენ საერთაშორისო ინსტიტუტებში, როგორიცაა ევროპის კავშირი, ევროპის საბჭო და გაერო”,- განაცხადა ორგანიზაციის ხელმძღვანელმა, ნინო წულაიამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!