“ლელო” - მთავრობა იმ საველე ჰოსპიტალს არ იყენებს, რომელიც 2008 წლის ომის შემდეგ თავდაცვის სამინისტროში დასაწყობებულია

“ლელოს” ლიდერებმა ლანა გალდავამ და ვატო სურგულაძემ კორონავირუსით გამოწვეულ პრობლემებზე ისაუბრეს და განაცხადეს, რომ სასიცოცხლოდ აუცილებელია საველე ჰოსპიტლების გაშლა, იმისთვის, რომ ქვეყანაში გართულებული სიტუაცია ადვილად სამართავი გახდეს.

“ლელოს” ერთ-ერთი ლიდერის ლანა გალდავას თქმით, მთავრობა არ იყენებს იმ საველე ჰოსპიტლებს, რომლებიც 2008 წლის ომის შემდეგ, თავდაცვის სამინისტროში დასაწყობებულია. მას მიაჩნია, რომ სახელმწიფო უნდა იყენებდეს მის ხელთ არსებულ ყველა რესურსს, რათა შეძლოს ქვეყანაში არსებული სიტუაციის მართვა.

„ქვეყანაში არსებული უმძიმესი ეპიდემიური სიტუაციიდან გამომდინარე, ,,ლელო საქართველოსთვის” და საზოგადოებას გააჩნია ლეგიტიმური კითხვები შემდეგი მიმართულებებით: 1) საერთო პროფილის საავადმყოფოების განსატვირთად და სხვა პაციენტების დაავადებისგან დასაცავად, რატომ არ გამოიყენება თავდაცვის სამინისტროს ბალანსზე, ჯერ კიდევ 2008 წლის აგვისტოს ომის შემდეგი პერიოდიდან არსებული და სხვა წლებში შევსებული უმაღლესი ხარისხის საველე ჰოსპიტლები დამატებითი სპეციალური სივრცეებით, სადაც დეზინფექციას გაივლიან საველე ჰოსპიტლებში მყოფ დაავადებულებთან შემხებლობაში მყოფი სხვა პირები; 2) კოვიდთან წინააღმდეგ ბრძოლაში რატომ არ არიან ჩართულები სამხედრო ექიმები, სამხედრო ჰოსპიტლის სამედიცინო პერსონალი; 3) საჭიროებისამებრ, რატომ არ გამოიყენება ეროვნული გვარდიის ქვედანაყოფების რესურსი. ასევე ვითხოვთ განმარტებას, რატომ არ იქნა მოწვეული ეროვნული უსაფრთხოების საბჭოს სხდომა, რომელიც მოახდენდა პანდემიის და მისგან გამოწვეული ზიანის შეფასებას, ანალიზს და პროგნოზირებას, რაც სოციალური უსაფრთხოების პოლიტიკის ნაწილია.

კრიზისული ვითარების ეფექტურად მართვის მიზნით, რატომ არ ფუნქციონირებს ეროვნული სიტუაციური ოთახი? რაც შეეხება მოქმედ უწყებათაშორის საკოორდინაციო საბჭოს, ის არის აღმასრულებელი საქმიანობის რგოლი, ქვეყანაში არსებული უმძიმესი ეპიდემიური, სოციალური და ეკონომიკური მდგომარეობა კი, საჭიროებს პოლიტიკური გადაწყვეტილების უფლების მქონე უწყებების ჩართულობას,”- განაცხადა გალდავამ.

“ლელოს” ჯანდაცვის ჯგუფის წევრის ვატო სურგულაძის თქმით, საველე ჰოსპიტალი, რომლის გახსნაზეც ერთი თვეა საუბარი მიმდინარეობს, ქვეყანაში არსებული რთული ვითარების გამო, უკვე გახსნილი უნდა იყოს და პაციენტებს იღებდეს.

“ერთი თვეა დგას საკითხი - გაიშალოს თუ არა საველე ჰოსპიტლები. სამწუხაროდ, გვაქვს ის დრო და ვითარება, რომ აუცილებლად უნდა გაიშალოს საველე ჰოსპიტლები. გეგმა, თუ სად, როგორ და რამდენ საწოლზე გაიშლება, უკვე დაწერილი უნდა იყოს. შესაძლებელია სამხედრო ჰოსპიტალის გაკეთება ან შეძენაც, ჩვენი მეზობელი თურქეთიდან, რომელიც პრობლემა არ არის. როდესაც საუბრობენ, რომ საწოლი ადგილები არ გვყოფნის არ მესმის, რადგან მისი მართვა პრაქტიკულად არ ხდება. სამინისტრომ უნდა იცოდეს სად და როდის განთავისუფლდება ადგილები, რომ ნაკადები მართოს, ეს კი არ ხდება. სიტუაცია მიდის იქითკენ, რომ საველე ჰოსპიტლების გარეშე პრაქტიკულად შეუძლებელი იქნება არსებული სიტუაციის მართვა, ისე რომ არ მივიღოთ დიდი ოდენობის ზარალი, როგორც ფინანსური, ასევე ადამიანების სიცოცხლით გამოწვეული დანაკარგი,”- განაცხადა სურგულაძემ.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა