ირაკლი კობახიძე - ჩვენი მხრიდან ვადამდელი არჩევნები არის წითელი ხაზი - შეგვიძლია გამოვრიცხოთ სცენარი, სადაც მხოლოდ „ქართული ოცნება“ რჩება პარლამენტში

ჩვენი მხრიდან ვადამდელი არჩევნები არის წითელი ხაზი. ქვეყანასაც არ აქვს იმის ფუფუნება, რომ მუდმივად არჩევნების რეჟიმში იყოს. გარდა პოლიტიკისა, ეს ეკონომიკურ სტაბილურობას და სოციალურ სტაბილურობასაც ზიანს აყენებს, - ამის შესახებ „ქართული ოცნების” აღმასრულებელმა მდივანმა ირაკლი კობახიძემ ტელეკომპანია „პალიტრანიუსის” გადაცემა „დღის ნიუსრუმში” განაცხადა.

მისივე თქმით, „შეგვიძლია გამოვრიცხოთ ისეთი სცენარი, სადაც მხოლოდ „ქართული ოცნება“ რჩება პარლამენტში და პირველად 1995 წლის შემდეგ გვექნება ისეთი პარლამენტი, სადაც მმართველ პარტიას არ ექნება ჭარბი უმრავლესობა და კიდევ 8 ოპოზიციური პარტია იქნება წარმოდგენილი“.

„ქართულ ოცნებას“ ამ არჩევნებში მხარი დაუჭირა 930 000-მა ამომრჩეველმა. ეს არ არის მხოლოდ „ქართული ოცნების“ გამარჯვება, არამედ მილიონამდე ამომრჩევლის გამარჯვება. ჩვენ არ გვაქვს იმის უფლება, რომ ამდენი ადამიანის გამარჯვება ასე მარტივად დავთმოთ. აქედან გამომდინარე, რიგგარეშე არჩევნები არის წითელი ხაზი, რომელიც არ გადაიკვეთება ჩვენი მხრიდან. დარწმუნებული ვარ, რომ პარლამენტი იქნება მრავალპარტიული. მგონია, რომ ყველა პარტიის წარმომადგენელი შევა ამ პარლამენტში და პირველად 1995 წლის შემდეგ გვექნება ისეთი პარლამენტი, სადაც მმართველ პარტიას არ ექნება ჭარბი უმრავლესობა და იქნება კიდევ 8 ოპოზიციური პარტია წარმოდგენილი.

შეგვიძლია გამოვრიცხოთ ისეთი სცენარი, სადაც მხოლოდ „ქართული ოცნება“ რჩება პარლამენტში. რაც შეეხება მეორე ტურს (ოპოზიციის ბოიკოტს) აქ იყო დამატებითი ფაქტორი. ოპოზიციის ინტერესებში იყო ის, რომ მეორე მარცხი არ გაეფორმებინათ, პარლამენტში შესვლაზე კი სხვა პოზიტიური მოტივაციები არსებობს - ოპოზიციური პარტიების ინტერესებშია, რომ ოთხი წლის განმავლობაში ისარგებლონ საპარლამენტო ტრიბუნით და პლატფორმით. ეს არის საუკეთესო საშუალება იმისათვის, რომ 2021 წლის თვითმმართველობის არჩევნებში და 2024 წლის საპარლამენტო არჩევნებში მათ ჰქონდეთ მყარი პოზიციები და წარმატების უკეთესი შესაძლებლობები. გამომდინარე აქედან, ჩვენ ვფიქრობთ, რომ ეს პოზიტიური მოტივატორიც თავის როლს შეასრულებს“, - აღნიშნა ირაკლი კობახიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს