ანა დოლიძემ „მადლიერების მარში“ გამართა და მის მხარდამჭერებს დიდუბე-ჩუღურეთის რაიონში მადლობა გადაუხადა

მოძრაობა „ხალხისთვის” ლიდერმა ანა დოლიძემ „მადლიერების მარში“ გამართა და მის მხარდამჭერებს დიდუბე-ჩუღურეთის რაიონში მადლობა გადაუხადა.

როგორც „ინტერპრესნიუსს” ანა დოლიძის პრესსამსახურიდან აცნობეს, მსვლელობა დაიწყო და დასრულდა იმ უბნებთან, სადაც ანა დოლიძემ ყველაზე დიდი მხარდაჭერა მოიპოვა. ამასთან, ღონისძიების ფარგლებში ანა დოლიძემ და მისი გუნდის წევრებმა საარჩევნო პლაკატები ჩამოხიეს და კამპანიის დროს გამოყენებული ტერიტორიები დაალაგეს.

„პირველად ჩვენს პოლიტიკურ ისტორიაში ჩვენ დავბრუნდით იმ ხალხთან, ვინც მხარი დაუჭირა ჩემს კამპანიას და მე, იმისთვის, რომ გადამეხადა მადლობა მხარდაჭერისთვის, რომელიც ჩუღურეთელებმა და დიდუბელებმა გამომიცხადეს 31 ოქტომბერს. მიუხედავად გაყალბებისა, ამ უბნებმა გამოგვიცხადეს მხარდაჭერა და ამ ხალხს ეკუთვნის მადლობა. ჩვენ ჩამოვხსნით პლაკატებს, რომლებიც გავაკარით საარჩევნო კამპანიის დროს, რადგან ხალხისთვის მნიშვნელოვანია ქალაქის იერსახე და ჩვენ პირველები გამოვიჩენთ პასუხისმგებლობას და დავალაგებთ იმ წერტილებს, რომლებიც გამოვიყენეთ საარჩევნო კამპანიის დროს”, - განაცხადა ანა დოლიძემ.

როგორც ინფორმაციაშია აღნიშნული, ანა დოლიძემ 31 ოქტომბრის არჩევნებში დიდუბე-ჩუღურეთის რაიონში მოსახლეობის 18%-ის მხარდაჭერა მოიპოვა და მხოლოდ 3%-ით დამარცხდა გაერთიანებული ოპოზიციის კანდიდატთან.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!