ანზორ მელიას განცხადებით, მის გარდა, კლინიკა „გულის“ 70-მდე სამედიცინო პერსონალია დაინფიცირებული, კლინიკაში კი 10 დეკემბრამდე მხოლოდ კარდიოქირურგიული განყოფილება ფუნქციონირებს

კლინიკაში „გული“ კორონავირუსით 70-მდე სამედიცინო პერსონალია დაინფიცირებული, აქედან 30 ექიმი და 40-მდე ექთანია. დაინფიცირებულია თავად კლინიკის ხელმძღვანელი, ანზორ მელიაც. როგორც ანზორ მელიამ „ინტერპრესნიუსს“ განუცხადა, მისი და სხვა სამედიცინო პერსონალის მკურნალობის პროცესი გართულებების გარეშე მიმდინარეობს და არც ერთ მათგანს არ დასჭირდა სპეციალიზებულ კლინიკაში გადაყვანა.

„ძირითადად არის დაინფიცირებული 30 ექიმი და 40-მდე ექთანი, ტექნიკური პერსონალიც დაინფიცირებულია, მაგრამ, საბედნიეროდ, ყველასთან გართულების გარეშე მიმდინარეობს და საავადმყოფოში გადაყვანა არ დასჭირვებიათ, არც ფილტვების ანთება არ აქვთ.

რაც შემეხება მე, სიცხე არ მაქვს და სახლის ეზოში დავდივარ, რადგან სიარული და სუფთა ჰაერი ამ დროს აუცილებელია,“- განაცხადა ანზორ მელიამ.

მისივე განმარტებით, კლინიკა დაახლოებით 10 დღის წინ 10 დეკემბრამდე დაიხურა, ფუნქციონირებას კი მხოლოდ კარდიოქირურგიული განყოფილება განაგრძობს. მისივე თქმით, კლინიკაში ვირუსის გავრცელების წყარო ის პაციენტები გახდნენ, რომლებმაც ან არ იცოდნენ, რომ კორონავირუსი ჰქონდათ ან განგებ მალავდნენ ტემპერატურის არსებობას.

„კლინიკაში მხოლოდ კარდიოქირურგიული განყოფილება მუშაობს დანარჩენი ყველაფერი დაიხურა 10 დეკემბრამდე სანამ არ გამოვჯანმრთელდებით.

ავადმყოფების უმრავლესობამ თვითონაც არ იცოდა, რომ კოვიდი ჰქონდათ, ზოგიერთი მალავდა სიცხეს და დაინფიცირდა განყოფილება. 10 დღის წინ დავხურეთ განყოფილება. მთელი სიმძიმე გადავიდა ემერჯენსზე და ინტესიურზე, ამ დროს სტენოკარდიები, ინფარქტები, მოციმციმე არითმიემი მოაწვა და შემოგვეპარნენ კოვიდიანი ავადმყოფები. დიაგნოზის დასმის შემდეგ 2-3 დღე ვერ გადაგვყავდა ეს ავადმყოფები სპეციალიზებულ კლინიკაში და ამან შეუწყო ხელი გავრცელებას და როცა ვნახე, რომ უკვე გამოუვალი მდგომარეობა იყო, დავხურე კლინიკა იმიტომ, რომ სხვა გამოსავალი არ იყო,“- განაცხადა ანზორ მელიამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!