პრემიერი - თითოეულ პოლიტიკურ პარტიას, აგიტატორს და კოორდინატორს მოვუწოდებ, რაც შეიძლება სწრაფად გადავიდნენ იზოლაციაში

თითოეულ პოლიტიკურ პარტიას, აგიტატორს და კოორდინატორს მოვუწოდებ, რაც შეიძლება სწრაფად გადავიდნენ იზოლაციაში, ეს არის მათი ოჯახის წევრების, საახლობლო წრის და მეგობრების დაცვის მექანიზმი, - ამის შესახებ პრემიერ-მინისტრმა გიორგი გახარიამ მთავრობის უწყებათაშორისი საბჭოს დასრულების შემდეგ განაცხადა.

პრემიერ-მინისტრის განმარტებით, ეს მთავრობის მხრიდან რეკომენდაციაა და მათ არ შეუძლიათ პოლიტიკური ორგანიზაციები და პარტიები დაავალდებულონ, რომ გადავიდნენ კარანტინში.

„ეს საკითხი განიხილებოდა, ჩვენ გადავწყვიტეთ, რომ ეს არის რეკომენდაცია, ჩვენ არ შეგვიძლია პოლიტიკური ორგანიზაციები და პარტიები, რომლებიც აქტიურად იყვნენ ჩართულები საარჩევნო პროცესში დავავალდებულოთ, რომ გადავიდნენ კარანტინში. ჯანდაცვის ინტერესებიდან გამომდინარე, როდესაც პოლიტიკური აქტივისტები, აგიტატორები, ან კოორდინატორები თვეების განმავლობაში უდიდესი მობილობის მატარებლები არიან, არჩევნების დასრულების შემდგომ მათი 1 კვირა იზოლაციაში გადასვლა არის სწორი ნაბიჯი. კიდევ ერთხელ ყველას, თითოეულ პოლიტიკურ პარტიას, აგიტატორს და კოორიდნატორს მოვუწოდებ, რაც შეიძლება სწრაფად გადავიდნენ იზოლაციაში, ეს არის მათი ოჯახის წევრების, საახლობლო წრის და მეგობრების დაცვის მექანიზმი“, - განაცხადა გიორგი გახარიამ.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს