ნათია თურნავა - ეს არ არის ე.წ. ლოკდაუნი, ეს შეზღუდვები ლოკალურია

ეკონომიკის მინისტრის, ნათია თურნავას განცხადებით, ეკონომიკური ზემოქმედების თვალსაზრისით, ინფიცირებულთა გაზრდილი რიცხვი და ეპიდემია გაცილებით უფრო მეტად აზარალებს ეკონომიკას, ვიდრე მოკლევადიანი და ლოკალური შეზღუდვები. როგორც მან დღევანდელ ბრიფინგზე განმარტა, დაწესესებული შეზღუდვები ლოკალური და სექტორულია.

„შეზღუდვების აუცილებლობა სახეზეა. იმისთვის, რომ ჩვენ გადავტეხოთ ნეგატიური ტენდენცია, რაც დაკავშირებულია ინფიცირებულთა ზრდასთან და მეორე ტალღასთან, შეზღუდვების შემოღება გვიწევს. ასევე იმასაც ვიტყვი, რომ ეკონომიკური ზემოქმედების თვალსაზრისით, ინფიცირებულთა გაზრდილი რიცხვი და ეპიდემია გაცილებით უფრო მეტად აზარალებს ეკონომიკას, ვიდრე მოკლევადიანი და ლოკალური შეზღუდვები, რომლითაც ჩვენ მოველით, რომ გადავტეხავთ ამ ტენდენციას და გავრცელებას შევანელებთ. აქედან გამომდინარე, შეზღუდვები, რასაც ჩვენ ვთავაზობთ და ამაზე ამ დღეებში საუბარი გვქონდა ბიზნესთან, კვლავ არასაყოველთაოა.

ეს არ არის ე.წ. ლოკდაუნი. ეს შეზღუდვები არის ლოკალური, რადგან კონკრეტულ ქალაქებში განხორციელდება. ასევე, ეს არ არის საყოველთაო, არამედ სექტორულია, იმიტომ, რომ კონკრეტულ სექტორებზე იქნება მიმართული, რომელიც არა მარტო ჩვენთან, არამედ სხვა ქვეყნებში აგენერირებს უფრო მეტ მობილობას. ეს არის ძირითადად არასასურსათო ვაჭრობა, ბაზრობები , რესტორნები და ზამთრის კურორტები“,-განაცადა თურნავამ.

მისი თქმით, დაწესებული შეზღუდვები მაქსიმალურად დაბალანსებულია სოციალური და ბიზნეს დახმარების პაკეტებით.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!