სახელმწიფო ინსპექტორის სამსახური და საბანკო ასოციაცია საბანკო სფეროში პერსონალური მონაცემების დაცვის საკითხებზე ითანამშრომლებენ

საბანკო სექტორში პერსონალურ მონაცემთა დაცვისა და საქართველოში „ღია ბანკინგის“ დანერგვის პროცესში მოქალაქეთა პერსონალური მონაცემების დამუშავების საკითხების განხილვის მიზნით, სახელმწიფო ინსპექტორი, ლონდა თოლორაია საქართველოს საბანკო ასოციაციის პრეზიდენტს, ალექსანდრე ძნელაძეს შეხვდა.

როგორც „ინტერპრესნიუსს“ სახელმწიფო ინსპექტორის სამსახურიდან აცნობეს, დისტანციურ ფორმატში გამართულ შეხვედრას სახელმწიფო ინსპექტორის მოადგილე სალომე ბახსოლიანი, სამსახურის დეპარტამენტის უფროსები და ასოციაციის წარმომადგენლები ესწრებოდნენ.

„ღია ბანკინგი“ საქართველოს საბანკო ასოციაციის მიერ ინიცირებული პროექტია, რომელიც ელექტრონული ტექნოლოგიების გამოყენებით სხვადასხვა საფინანსო ორგანიზაციას შორის, მომხმარებლის ინიციატივით, ფინანსურ ინსტიტუტში არსებული ინფორმაციის დაუყოვნებლივ გაცვლას გულისხმობს. სახელმწიფო ინსპექტორის სამსახური პროექტის დანერგვის პროცესში საკონსულტაციო რეჟიმში ჩაერთვება. ელექტრონული პროდუქტების დანერგვის საწყის ეტაპზევე სახელმწიფო ინსპექტორის სამსახურის ჩართულობა ამ პროცესში მოქალაქეთა პერსონალური მონაცემების არაკანონიერი დამუშავების რისკების შემცირებასა და შემდგომში შესაძლო დარღვევების პრევენციას ისახავს მიზნად.

შეხვედრაზე მხარეებმა განიხილეს პერსონალურ მონაცემთა დაცვის მიმართულებით საბანკო სექტორში არსებული მდგომარეობა. ლონდა თოლორაიამ საბანკო ასოციაციას, არსებული გამოწვევების გათვალისწინებით, 2021 წელს სახელმწიფო ინსპექტორის სამსახურის მიერ დაგეგმილი ღონისძიებების შესახებ მიაწოდა ინფორმაცია. სახელმწიფო ინსპექტორის სამსახურმა და საბანკო ასოციაციამ სამომავლო თანამშრომლობის სფეროები განსაზღვრეს და უახლოეს მომავალში, საბანკო სექტორის ჩართულობით, 2021 წლის ერთობლივი სამოქმედო გეგმის განხილვაზე შეთანხმდნენ”,- აღნიშნულია გავრცელებულ ინფორმაციაში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!