ანზორ ბიწაძე - ოპოზიციამ ხელისუფლებას არჩევნების გადადება შევთავაზეთ, თუმცა მათ არჩევნების გადაგორების მიზნით საკუთარი ერის გენოციდზე წასვლა არჩიეს

ოპოზიციამ ხელისუფლებას არჩევნების გადადება შევთავაზეთ, თუმცა მათ არჩევნების გადაგორების მიზნით საკუთარი ერის გენოციდზე წასვლა არჩიეს, - ამის შესახებ „ერთიანი საქართველოს” ერთ-ერთმა ლიდერმა ანზორ ბიწაძემ „პალიტრანიუსის” ეთერში, გადაცემა „დღის ნიუსრუმში” განაცხადა.

მისივე თქმით, „ქართულმა ოცნებამ” ძალიან კარგად იცოდა, რომ ყოველთვის პრობლემატურია ხელისუფლებისთვის არჩევნების გაზაფხულზე ჩატარება.

ამასთან, შეზღუდვებზე საუბრისას ანზორ ბიწაძემ აღნიშნა, რომ დღევანდელი გადაწყვეტილებები არის დაგვიანებული.

„რაც ყველაზე ტრაგიკულია ჩვენი ქვეყნისთვის, ეს გადაწყვეტილებები გამოიწვევს ჩვენი ეკონომიკის „ლოკდაუნს” და ეს კრიზისი გაგრძელდება არაერთი წელი. ჩვენ ამ ხელისუფლებას შევთავაზეთ, რომ ხომ არ გვეფიქრა არჩევნების გადადებაზე, მაგრამ არჩევნების გადადებაზე ფიქრიც კი არ მოისურვეს მათ და პირიქით, ოპოზიციას დაუწყეს ასე ვთქვათ, დაშანტაჟება, რომ ოპოზიციას არჩევნების ჩატარების ეშინია. არჩევნების გადადება შეცვლიდა იმას, რაც ეპიდემიოლოგებმა თქვეს, რომ პიკი იქნებოდა ოქტომბრის ბოლოს და ნოემბრის შუა რიცხვებში, მაგრამ ხელისუფლებამ თქვა, რომ 100 ათასი ადამიანიც რომ დაინფიცირდეს, მაინც არ გადავდებთ არჩევნებსო. არჩევნების გადაგორება უნდოდათ, რადგან ძალიან კარგად იცოდნენ, რომ ყოველთვის პრობლემატურია ხელისუფლებისთვის არჩევნების გაზაფხულზე ჩატარება. ეს არის არჩევნების გადაგორების მიზნით საკუთარი ერის გენოციდზე წასვლა”, - განაცხადა ბიწაძემ.

ამასთან, ანზორ ბიწაძემ აღნიშნა, რომ როდესაც კოვიდსიტუაცია შემსუბუქდება, ხალხს ქუჩაში ღირსება გამოიყვანს.

„არანაირი მნიშვნელობა არ აქვს ეკატერინე ტიკარაძე გადადგება თუ არა იმიტომ, რომ გასაფუჭებელი გაფუჭებულია. ეს პანდემია როდესაც ოდნავ მაინც შემსუბუქდება, ხალხს ქუჩაში ღირსება გამოიყვანს იმიტომ, რომ მაშინ როდესაც მე ჩემს სახელმწიფოში მენგრევა ჯანდაცვის სისტემა იმის გამო, რომ ბიძინა ივანიშვილს უნდოდა საკუთარი კბილის ექიმი დაენიშნა ჯანდაცვის მინისტრად, რომელსაც არანაირი თვისებები არ ჰქონდა მენეჯერის ამ სფეროში, რომ ემართა ასეთი სიტუაცია, რა თქმა უნდა, ხალხი გამოვა ქუჩაში და ეს იქნება ღირსებაშელახული ადამიანების ქუჩაში გამოსვლა. არავის არ უნდა უკვდებოდეს ოჯახის წევრი იმიტომ, რომ 8 თვის განმავლობაში კეკლუცობდა ხელისუფლება კოვიდ ეფეტურობით“, - განაცხადა ანზორ ბიწაძემ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!
ერთად ყოფნის 10 წელი - „კარფური“ 10 წლის იუბილეზე ერთგულ მომხმარებლებს, ყოველ თვე განსაკუთრებული პრიზებით დააჯილდოებს
ფრანგულ ბრენდ  ETAM-ის ახალი ფილიალი „დრესაპ ჯგუფისგან“
„კავკასუს ონლაინის“ გენერალური დირექტორი განცხადებას ავრცელებს