რუსეთში კორონავირუსზე მასობრივი ვაქცინაცია იანვარ-თებერვალში დაიწყება, თუმცა რისკ ჯგუფებში შემავალი ადამიანები, შესაძლოა, დეკემბერშიც აიცრან, - ამის შესახებ რუსეთის ჯანდაცვის მინისტრმა მიხაილ მურაშკომ „რია ნოვოსტისთან“ საუბარში განაცხადა.
„ვაქცინაცია უკვე დაწყებულია და მიმდინარეობს. მასობრივი ვაქცინაცია კი იანვარ-თებერვალში დაიწყება. ვაქცინაცია, ისევე როგორც ნებისმიერი სამედიცინო დახმარება, ტარდება მხოლოდ პაციენტის თანხმობით. ნებაყოფლობითი პრინციპის დაცვა სავალდებულოა ”, - განაცხადა ჯანდაცვის მინისტრმა.
შეგახსენებთ, რუსეთში ამ დროისთვის კორონავირუსის საწინააღმდეგო ორი ვაქცინაა დარეგისტრირებული :“სპუტნიკ V" და „ეპივაკკორონა“.