საგარეო უწყება - ივერი მელაშვილის და ნატალია ილიჩოვას ადვოკატს ერთ-ერთ მოთხოვნაზე პასუხი გაეგზავნა, მეორე მოთხოვნა მუშავდება და უახლოეს პერიოდში, კანონით დათქმულ ვადებში გაეცემა პასუხი

საქართველოს საგარეო საქმეთა სამინისტრომ ე.წ. კარტოგრაფების საქმის ადვოკატს ერთ მოთხოვნაზე პასუხი გასცა, მეორე კი განხილვის ეტაპზეა და პასუხი უახლოეს პერიოდში გაეცემა. ამის შესახებ „ინტერპრესნიუსს“ საგარეო საქმეთა სამინისტროს პრესის და ინფორმაციის დეპარტამენტში განუცხადეს.

მათივე ინფორმაციით, პასუხი ადვოკატს უახლოეს პერიოდში გაეგზავნება.

„საქართველოს საგარეო საქმეთა სამინისტროში შემოსულია ივერი მელაშვილის და ნატალია ილიჩოვას ადვოკატების წერილები, რომლითაც ისინი ითხოვენ საზღვრის დელიმიტაცია- დემარკაციასთან დაკავშირებულ გარკვეულ მასალებს. ერთ-ერთ მოთხოვნაზე უწყებამ დაასრულა მოთხოვნიდან გამომდინარე დოკუმენტაციის შესწავლა და ადვოკატს გაეგზავნა პასუხი, რაც შეეხება მეორე მოთხოვნას, იგი ასევე მუშავდება და უახლოეს პერიოდში, მოთხოვნის შესაბამისად კანონით დათქმულ ვადებში გაეცემა პასუხი“, - განაცხადეს უწყებაში.

ცნობისთვის, საქართველოს საგარეო საქმეთა სამინისტროსთან სამოქალაქო აქტივისტებმა და ოპოზიციური პარტიების წარმომადგენლებმა ე.წ. კარტოგრაფების საქმეზე აქცია გამართეს. როგორც აქციის მონაწილეებმა განაცხადეს, საგარეო საქმეთა სამინისტრო ნატალია ილიჩოვასა და ივერი მელაშვილის ადვოკატებს მასალებს არ აძლევს, რომელიც, მათივე თქმით, შესაძლოა, ბრალდებულების უდანაშაულობის დამადასტურებელი იყოს.

შეგახსენებთ, რომ საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი - ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა. პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემულ რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა