მცხეთასთან ავარიას სამი ადამიანის სიცოცხლე ემსხვერპლა.
ambebi.ge- ს ინფორმაციით, შემთხვევა დღეს, დაახლოებით, 15:00 საათზე მოხდა. ავტომანქანაში სამი ახალგაზრდა ქალი იმყოფებოდა და ყველა დაიღუპა.
მომხდარ ფაქტთან დაკავშირებით შინაგან საქმეთა სამინისტრომ გამოძიება 276-ე მუხლით დაიწყო. მათი ინფორმაციით, ადგილზე მობილიზებული იყო 15 მეხანძრე-მაშველი, მათ შორის განსაკუთრებულ საგანგებო სიტუაციებზე რეაგირების მთავარი სამმართველოს 6-კაციანი ჯგუფი.
უწყების ცნობით, მყვინთავები დაუყოვნებლივ ჩავიდნენ 30 მეტრის სიღრმის ხევში და დაიწყეს სამაშველო-სამძებრო სამუშაოები. პარალელურად, დრონის მეშვეობით ხდებოდა მდინარის ხეობის მონიტორინგი. მყვინთავი-მაშველების უწყვეტი სამუშაოების შედეგად სამივე ცხედრის პოვნა და ამოსვენება მალევე მოხერხდა.