გერმანიაში კორონავირუსის 21 695 ახალი შემთხვევა დადასტურდა და ინფიცირებულთა საერთო რაოდენობა 1 028 089-მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს.
ამავე მონაცემების თანახმად, ქვეყანაში ვირუსს კიდევ 379 ადამიანის სიცოცხლე ემსხვერპლა და დაღუპულთა რიცხვმა 15 965-ს მიაღწია.
გერმანიაში კორონავირუსის გამო დაწესებული შეზღუდვები 20 დეკემბრამდე გახანგრძლივდა. შესაბამისი გადაწყვეტილება გერმანიის კანცლერ ანგელა მერკელსა და რეგიონების ხელმძღვანელებს შორის გასული კვირის ოთხშაბათს გამართულ შეხვედრაზე მიიღეს.