ირანის პრეზიდენტი ჰასან რუჰანი ირანელი მეცნიერის მკვლელობაში ისრაელს ადანაშაულებს. „გლობალური ამპარტავნების ბოროტი ხელი დაქირავებული უზურპატორი სიონისტური რეჟიმის სისხლით კიდევ ერთხელ შეიღება,“- განაცხადა ჰასან რუჰანიმ.
მისივე თქმით, მოსენ ფახრიზადეს სიკვდილი ირანის მიღწევებს ვერ შეანელებს.
„წამებული ფახრიზადეს მკვლელობა აჩვენებს ჩვენი მტრების სასოწარკვეთას და მათი სიძულვილის სიღრმეს. მისი მოწამეობრივი აღსასრული ჩვენს მიღწევებს ვერ შეანელებს, ” - განაცხადა ირანის პრეზიდენტმა.
ბირთვული სფეროს ერთ-ერთი მთავარი ირანელი მეცნიერი მოსენ ფახრიზადე გუშინ თეირანთან ახლოს მოკლეს. ირანის საგარეო საქმეთა მინისტრმა მუჰამედ ჯავად ზარიფმა მომხდარს „სახელმწიფო ტერორის აქტი“ უწოდა და ისრაელის კვალზე მიანიშნა.