გერმანიაში კორონავირუსთან დაკავშირებული ნაწილობრივი „ლოქდაუნი“, შესაძლოა, 2021 წლის გაზაფხულამდე გაგრძელდეს, - ამის შესახებ ქვეყნის ეკონომიკის მინისტრმა პიტერ ალტმაიერმა გამოცემა Die Welt-თან ინტერვიუში განაცხადა.

„წინ ზამთრის გრძელი 3-4 თვე გვაქვს. შესაძლებელია, შეზღუდვები 2021 წლის პირველ თვეებშიც ძალაში დარჩეს,“- აღნიშნა გერმანიის ეკონომიკის მინისტრმა.

შეგახსენებთ, გერმანიაში ე.წ. „მსუბუქი ლოქდაუნი“ ნოემბრის დასაწყისში დაწესდა, რომლის ფარგლებშიც ქვეყანაში დაიკეტა ბარები და რესტორნები, თუმცა სკოლები და მაღაზიები ჯერჯერობით ღია რჩება. გასული კვირის ოთხშაბათს გერმანიის კანცლერი ანგელა მერკელი და ქვეყნის რეგიონების ლიდერები შეზღუდვების მინიმუმ 20 დეკემბრამდე გახანგრძლივებაზე შეთანხმდნენ.