გიგი უგულავა - რიგგარეშე არჩევნების ჩატარება გაზაფხულზე სწორი და გამართლებულია და „ოცნება“ თავისი 90 ვაჟკაცი დეპუტატით იძულებული გახდება დათანხმდეს

„ქართული ოცნების“ მცდელობის მიუხედავად, ეს პარლამენტი იქნება ერთპარტიული და ეს პარლამენტი არ იქნება დღეგრძელი იმიტომ, რომ ერთპარტიული პარლამენტი დიდხანს ვერ გაძლებს,- ამის შესახებ „ევროპული საქართველოს“ ერთ-ერთმა ლიდერმა გიგი უგულავამ „ლეიბორისტულ პარტიაში“ ოპოზიციონერების შეხვედრის დაწყებამდე განაცხადა.

მისი განმარტებით, პარლამენტი შინაარს მოკლებულია, როდესაც ის ერთპარტიულია, რადგან მისი არსი მრავალპარტიულობაში მდგომარეობს. ამასთანავე, უგულავამ განაცხადა, რომ მმართველი ძალა იძულებული გახდება, დააკმაყოფილოს მოსახლეობის უმრავლესობის მოთხოვნა რიგგარეშე არჩევნებთან დაკავშირებით, რომელიც ყველაზე გამართლებულია, რომ გაზაფხულზე ჩატარდეს.

„როგორც საზოგადოებისთის ცნობილია, „არარჩეული პარლამენტის“ უფლებამოსილების დღე მოძრავია იმ გაგებით, რომ დამოკიდებულია ცესკო-ს შემაჯამებელ ოქმზე, შესაბამისად, 29 ნოემბრიდან დაწყებული 20 დეკემბრით დამთავრებული ნებისმიერ დღეს შეიძლება იყოს. ჩვენ კიდევ ერთხელ ვამბობთ საჯაროდ და ვეუბნებით ჩვენს საზოგადოებას, ისევე როგორც „ქართულ ოცნებასაც“, მათი მცდელობების მიუხედავად, რეალურად ნახავთ, რომ ეს პარლამენტი იქნება ერთპარტიული და ეს პარლამენტი არ იქნება დღეგრძელი იმიტომ, რომ ერთპარტიული პარლამენტი დიდხანს ვერ გაძლებს და ძალიან მალე მოხდება იმ მოთხოვნის დაკმაყოფილება, რასაც საზოგადოების უდიდესი უმრავლესობა უმაგრებს ზურგს, ვგულისხმობ, რიგგარეშე არჩევნებს. ყველაზე ლოგიკურად ამ გადმოსახედიდან ჩანს, რომ რიგგარეშე არჩევნები უნდა იყოს გაზაფხულზე, მაშინ როდესაც ქვეყანაში პანდემიის პიკი გადაივლის. ბუნებრივია, პანდემიის პირობებში არჩევნების ჩატარება საღ აზრს მოკლებულია, ამიტომ 2021 წლის გაზაფხული არის ლოგიკური, სწორი და გამართლებული და „ქართული ოცნება“ თავისი 90 დეპუტატი ვაჟკაცით იძულებული გახდება, დათანხმდეს ამას იმიტომ, რომ მთლიანად აცდენილი იქნება საზოგადოების მაჯისა და გულისცემას,“- განაცხადა უგულავამ.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!