ნინო ბურჯანაძის განცხადებით, გავრცელდა ინფორმაცია, რომ აბაშიძე-კარასინის შეხვედრაზე აფხაზეთის რკინიგზაზეც იყო საუბარი, რაზეც საზოგადოებამ  არაფერი იცის

რუსულ-ქართულ ურთიერთობებში მთავარი ხელისშემშლელი ხელისუფლების უუნარობაა. ხელისუფლება რომ უუნარო არ იყოს, არც სიძულვილის ენა იქნებოდა, - ამის შესახებ ჟურნალისტებს „ერთიანი საქართველოს“ ლიდერმა ნინო ბურჯანაძემ განუცხადა, რითაც აბაშიძე-კარასინის შეხვედრის შემდეგ რუსეთის საგარეო საქმეთა სამინისტროს განცხადებას გამოეხმაურა.

რაც შეეხება ინფორმაციას, რომ შესაძლოა, აბაშიძე-კარასინის შეხვედრაზე აფხაზეთის რკინიგზაზეც იყო საუბარი, ბურჯანაძე აცხადებს, რომ მსგავსი საკითხის განხილვა საზოგადოებასთან შეთანხმების გარეშე შეუძლებელია.

„გაჩნდა საუბარი აფხაზეთის რკინიგზასთან დაკავშირებით. საზოგადოებამ ამის თაობაზე არაფერი ვიცით და რა თქმა უნდა, მიმაჩნია, რომ მსგავსი საკითხის განხილვა საზოგადოებასთან შეთანხმების გარეშე შეუძლებელია. არ ვარ დარწმუნებული, რომ საქართველოს დღევანდელი ხელისუფლება არ წავა ისეთ დათმობაზე, საქართველოსთვის მოგების გარეშე, რომელიც საქართველოსთვის არ იქნება მისაღები. ეს არ არის ხელისუფლება, რომელსაც შეუძლია საქართველოს სახელმწიფო ინტერესების დაცვა და ეს ჩვენ არაერთხელ დავინახეთ“,- განაცხადა ბურჯანაძემ.

ცნობისთვის, რუსეთის საგარეო საქმეთა სამინისტრო რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალური წარმომადგენლის ზურაბ აბაშიძის და რუსეთის ფედერალური სათათბიროს ფედერალური საბჭოს წევრის გრიგორი კარასინის ონლაინ რეჟიმში გამართულ შეხვედრას ეხმიანება. როგორც სამინისტროს ვებგვერდზე განთავსებულ ინფორმაციაშია აღნიშნული, შეხვედრაზე მხარეებმა სხვადასხვა საკითხი, მათ შორის ორ ქვეყანას შორის საჰაერო მიმოსვლის აღდგენის პერსპექტივები განიხილეს.

„მხარეებმა ორ ქვეყანას შორის საჰაერო მიმოსვლის აღდგენის პერსპექტივები განიხილეს, რისი პირობებიც კარგად არის ცნობილი: საქართველოში ანტირუსული გამოვლინებების შეწყვეტა და რუსეთის მოქალაქეების უსაფრთხოების უზრუნველყოფა. გარდა ამისა, პანდემიით გამოწვეული სანიტარული და ეპიდემიოლოგიური მდგომარეობა ორივე ქვეყანაში ნორმალიზებული უნდა იყოს,“- ნათქვამია რუსეთის საგარეო უწყების ინფორმაციაში.

ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
ქართული პრესის მიმოხილვა 27.01.2022
ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა