აზერბაიჯანში გასული დღე-ღამის განმავლობაში კორონავირუსის 4 212 ახალი შემთხვევა დადასტურდა და ინფიცირებულთა საერთო რაოდენობა 114 025-მდე გაიზარდა, - ამის შესახებ ინფორმაციას ადგილობრივი მედია მინისტრთა კაბინეტთან არსებულ ოპერატიული შტაბზე დაყრდნობით ავრცელებს.
მათივე ინფორმაციით, ვირუსს კიდევ 32 ადამიანის სიცოცხლე ემსხვერპლა და დაღუპულთა რიცხვმა 1 323-ს მიაღწია. ქვეყანაში კოვიდ-19-სგან დღემდე 71 691 პაციენტი განიკურნა, ამჟამად კი 41 011 აქტიური შემთხვევა ფიქსირდება.