მიხეილ რამიშვილის განმარტებით, შთაბეჭდილება რჩება, რომ ბაჩალიაშვილის საქმის მასალებზე გრიფით „საიდუმლოს“ მოხსნამდე, მასალების ნაწილი ამოიღეს

თამარ ბაჩალიაშვილის ოჯახის ადვოკატის მიხეილ რამიშვილის განმარტებით, მას დარჩა შთაბეჭდილება, რომ საქმის მასალებზე გრიფით „საიდუმლოს“ სტატუსის მოხსნამდე, მასალების ნაწილი ამოიღეს. როგორც მიხეილ რამიშვილმა საქმის მასალების გაცნობის შემდეგ „ინტერპრესნიუსს“ განუცხადა, დაშიფრულია ინფორმაცია საქმესთან დაკავშირებით დაკითხული პირების შესახებ.

„მე ისეთი შთაბეჭდილება დამრჩა, რომ გრიფით „საიდუმლოს“ სანამ მოხსნიდნენ, მთელი რიგი მასალა ამოღებულია და კარგად გადაამოწმეს. დაშიფრულია, თუ ვინ არიან დაკითხულები, ეს ჩემთვის უცნობია, ამ პირების ჩვენებები შეუსაბამოა. გარკვეულწილად დგინდება და დავადგინეთ, რომ მედიკამენტზე, რომელზეც თავიდანვე ვამბობდით, რომ არ იყო თამარის მიერ შეძენილი, ყველა აფთიაქიდან მიიღეს პასუხი, რომ გაიცემა მხოლოდ და მხოლოდ რეცეპტით და შესაბამისად, თამარი მას ვერ შეისყიდდა, რეცეპტი არ დევს საქმეში და ივლისიდან მოყოლებული დღემდე ცდილობენ, რომ იქნებ როგორმე სააფთიაქო ქსელში ნახონ, ოჯახის წევრმა ხომ არ შეიძინა და ოჯახიდან ხომ არ ჰქონდა წაღებული თამარს. მკვლელებს ხელს აფარებენ! ეს მკვლელობაა და ცალსახად უნდა გადაკვალიფიცირდეს საქმე“, - განაცხადა რამიშვილმა.

მისივე თქმით, გადასამოწმებელია ინფორმაცია და შესაძლებელია, რომ თამარ ბაჩალიაშვილის მკვლელობაში ჩართული იყოს ადამიანთა ჯგუფი, რომელთაგან უშუალო შემსრულებელი შესაძლოა, რომ ორი მამაკაცი იყოს.

ცნობისთვის, თამარ ბაჩალიაშვილი 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს.

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო