მინსკში, სადაც ოპოზიცია საპროტესტო აქციას მართავს სახელწოდებით - „მეზობლების მარში“, რამდენიმე ადამიანი დააკავეს. ამის შესახებ ადგილობრივი მედია იუწყება.
მათივე ცნობით, კოლონებად შეკრებილი ადამიანები, მინსკის ეზოებიდან გამოდიან, რომლებსაც ბელარუსის დროშები უკავიათ და მსვლელობას აწყობენ მოწოდებით: „შემოგვიერთდით“. მსვლელობას ძალოვანები მიჰყვებიან. ცალკეულ რაიონებში წერტილოვანი დაკავებები ხდება.
საპროტესტო აქციები 9 აგვისტოს საპრეზიდენტო არჩევნების შემდეგ არ წყდება, რომლის მონაწილეები არჩევნებში მოქმედი პრეზიდენტის ალექსანდრ ლუკაშენკოს გამარჯვებას არ ეთანხმებიან და მიაჩნიათ, რომ არჩევნები გაყალბდა.