ადვოკატი - წარვადგენთ ექსპერტიზის ახალ დასკვნას, რომელიც ადასტურებს, რომ ის სადაო რუკები, რომლის არგამოყენებისთვისაც მისცეს პასუხისგებაში ივერი მელაშვილი და ნატალია ილიჩოვა, კარტოგრაფიულად უვარგისია

დავით გარეჯის საქმესთან დაკავშირებით დაკავებული ივერი მელაშვილის ადვოკატის, ედუარდ მარიკაშვილის განცხადებით, დღევანდელ სასამართლო პროცესზე დაცვის მხარე ექსპერტიზის ახალ დასკვნას წარადგენს, რომლითაც დასტურდება, რომ რუკები, რომლის გამოუყენებლობასაც მისი დაცვის ქვეშ მყოფს ედავებიან, კარტოგრაფიულად ვარგისი არ არის.

მისივე თქმით, რუკების ექსპერტიზა დამოუკიდებელი ექსპერტის მიერ არის ჩატარებული.

„პროკურატურის პოზიცია ჩვენთვის ამ ეტაპზე უცნობია, თუმცა, ალბათ, ლოგიკურია, რომ ბრალდების სიმძიმიდან გამომდინარე, ისინი კვლავ პატიმრობაში დატოვებას მოითხოვენ. ჩვენი პოზიცია არის, რომ დაუყონებლივ უნდა გათავისუფლდნენ ეს ადამიანები პატიმრობიდან და დამატებით ვთავაზობთ სასამართლოს დაახლოებით 200 ადამიანის თავდებობას, რომლებმაც სურვილი გამოთქვეს, რომ იყვნენ ბრალდებულების თავდებები.

ჩვენ დღეს სასამართლოში წარვადგენთ ექსპერტიზის ახალ დასკვნას, რომელიც ადასტურებს, რომ ის სადაო რუკები, რომლის არგამოყენებისთვისაც მისცეს პასუხისგებაში ბრალდებულები, არის უვარგისი კარტოგრაფიულად, მასზე დატანილი მონაცემები არის სრულ აცდენაში რეალობასთან. შესაბამისად, ეს კიდევ ერთხელ ამყარებს ბრალდებულების პოზიციას, რომ მათ შეამოწმეს ეს რუკები და იყო გამოუსადეგარი და ამიტომ არ გამოიყენეს,“- განაცხადა მარიკაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს