ელენე ხოშტარია - დაკავებული კარტოგრაფები არა პოლიტიკური, არამედ სინდისის პატიმრები არიან

„ევროპული საქართველოს” ერთ-ერთი ლიდერი, ელენე ხოშტარია მიიჩნევს, რომ ე.წ. კარტოგრაფების საქმეზე დაკავებული ივერი მელაშვილი და ნატალია ილიჩოვა „სინდისის პატიმრები არიან“. როგორც მან ჟურნალისტებს განუცხადა, მათი დაკავება ბიძინა ივანიშვილის წინასაარჩევნო, ბინძურ თამაშებს და ახლა უკვე პოლიტიკური რეპრესიებს უკავშირდება.

„კარტოგრაფები არა პოლიტიკური, არამედ სინდისის პატიმრები არიან. ერთადერთი მიზეზი, რატომაც ისინი მძევლებად არიან, ეს არის ბიძინა ივანიშვილის წინასაარჩევნო, ბინძური თამაშები და ახლა პოლიტიკური რეპრესიები. ამიტომ, არამხოლოდ მე, არამედ უამრავი ადამიანი, თუ არ ვცდები 200-ზე მეტი ადამიანი უდგება მათ თავდებში. არ ვიცნობ წესიერ ადამიანს, რომელიც ყოველდღიურად არ განიცდის იმას, რომ ამ ორ წესიერ ადამიანზე გადაწყდა ის უსამართლო ძალადობრივი სისტემა, რომელშიც ჩვენ დღეს ვცხოვრობთ. ჩვენი ყველას ვალია ყველაფერი გავაკეთოთ, რომ რაც შეიძლება სწრაფად ვიხსნათ მძევლობიდან ეს ორი ადამაინი. აზრი არ აქვს იმაზე მსჯელობას, რას იზამს ან პროკურატურა ან სასამართლო იმიტომ, რომ ეს არც სასამართლოა და არც პროკურატურა, ეს არის პოლიტიკური დაკვეთის შემსრულებელი ინსტიტუტი. ამიტომ, მე დღეს არ ვიცი, რა პოლიტიკური დაკვეთა აქვს და ვერ ვიმარჩიელებ ვერანაირად. ეს რომ იყოს ოდნავ მაინც სამართლებრივად გამართული პროცესი, რა თქმა უნდა, არათუ ახლა გამოშვება, საერთოდ არც ერთი დღე და საათი არ უნდა ყოფილიყვნენ ეს ადამიანები ციხეში“,-განაცხადა ხოშტარიამ.

დღეს, დავით გარეჯის საქმეზე, სასამართლო პროცესზე ბრალდებულების მიმართ შეფარდებული აღკვეთის ღონისძიება პატიმრობა გადაისინჯება.

ბრალდების მხარე დაკავებულების მიმართ კვლავ მკაცრი აღკვეთის ღონისძიების გამოყენებას ითხოვს, დაცვის მხარე კი ბრალდებულების გათავისუფლებას პირადი თავდებობით ითხოვს.

ცნობისთვის, საქართველოს გენერალურმა პროკურატურამ სახელმწიფო უსაფრთხოების სამსახურთან ერთობლივი თანამშრომლობით დააკავა საქართველოს საგარეო საქმეთა სამინისტროს მეზობელი ქვეყნების დეპარტამენტის სასაზღვრო ურთიერთობათა სამსახურის უფროსი - ივერი მელაშვილი და საქართველოს შს სამინისტროს სასაზღვრო პოლიციის სახმელეთო საზღვრის დაცვის დეპარტამენტის მთავარი ინსპექტორი ნატალია ილიჩოვა.

პროკურატურის ინფორმაციით, ექსპერტიზის დასკვნით დადგინდა, რომ ბრალდებულები საზღვრების დელიმიტაციის პროცესში ხელმძღვანელობდნენ 1970-80-იან წლებში გამოცემულ რუკებზე დატანილი საზღვრის ხაზებით, რაც არსებითად ეწინააღმდეგება ჩვენი ქვეყნის ისტორიულ საზღვარს, მათ შორის დავით გარეჯთან მიმართებაში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!