პარლამენტის შენობის უკანა შესასვლელთან ადვოკატმა ალექსანდრე კობაიძემ და პატიმრების ოჯახის წევრებმა აქცია მოწოდებით - "შემახე ამინისტია" გამართეს.
როგორც ჟურნალისტებს ალექსანდრე კობაიძემ განუცხადა, ისინი ითხოვენ, რომ ამინისტია შეეხოს ე.წ პრობაციონერებს, მსუბუქ,მძიმე და განსაკუთრებით მძიმე დანაშაულში ბრალდებულ პირებს.
ადვოკატის განმარტებით, მძიმე და განსაკუთრებულად მძიმე დანაშაულთა კატეგორიაში „გადიან პედოფილები და მათ გათავისუფლებას არ ითხოვენ“.
კობაიძის განმარტებით, იმ შემთხვევაში, თუ მეათე მოწვევის პარლამენტის პირველივე სესიაზე არ განიხილება მათი მოთხოვნა ამინისტიის თაობაზე, აპირებენ სიმბოლურად ჯაჭვი - წრე გააკეთონ პარლამენტის შენობის ირგვლივ და ამგვარად გამოხატონ პროტესტი.
ამასთან, ადვოკატი განმარტავს, რომ არჩევნებამდე პარლამენტის თავმჯდომარე არჩილ თალაკვაძე პატიმრების მოშიმშილე დედებს შეხვდა, ასევე დაპირდა პატიმრებს,რომ არჩევნების შემდეგ ამინისტიას აუცილებლად მიიღებდნენ.
"პედოფილიას არ ვეხებით. მუხლობრივად ვითხოვთ მთელ რიგ შემსუბუქებებს ისეთ სასჯელზე, რომელიც მიმართულია საკუთრების წინააღმდეგ; ე.წ. ნარკოდანაშაულზე; ოჯახური ძალადობა,რომლითაც გადავსებულია ციხე; ფინანსური დანაშაული ცოლად მოყვანის მიზნით; თაღლითობა და ა.შ", - განაცხადა ალექსანდრე კობაიძემ.