ანა დოლიძემ ყვავილების გამყიდველებს მხარდაჭერა გამოუცხადა და ე.წ. სარიტუალო თაიგული სიმბოლურად მთავრობის ადმინისტრაციასთან მიიტანა

მოძრაობა „ხალხისთვის“ ლიდერმა ანა დოლიძემ უნივერსიტეტის ქუჩაზე ყვავილების გამყიდველებს მხარდაჭერა გამოუცხადა.

დოლიძემ ყვავილების გამყიდველებისგან სიმბოლურად ე.წ. სარიტუალო თაიგული იყიდა და მთავრობასა და მის მეთაურს, გიორგი გახარიას მთავრობის ადმინისტრაციასთან მიუტანა.

მისი განცხადებით, რეპრესიებზე გადასვლა, რაც სახელმწიფომ შეზღუდვების დაწესებით გააკეთა, თვითონ ხელისუფლებას გამოუტანს განაჩენს.

„ეს უგუნური რეგულაციები პირველ რიგში არის შეტევა მშრომელ ხალხზე. ეს არის პირდაპირი თავდასხმა ადამიანებზე, რომლებიც დღეს დგანან ერთადერთი ამოცანის წინაშე – ყოველდღე როგორ გადარჩნენ. რეპრესიებზე გადასვლა, რაც ქნა ჩვენმა სახელმწიფომ შეზღუდვების დაწესებით, გააკეთებს ერთადერთ რაღაცას - ეს თვითონ ხელისუფლებას გამოუტანს განაჩენს. მგონი, ამისთვის ძალიან კარგი სიმბოლოა ეს სარიტუალო თაიგული, რომელიც მინდა, მივუტანო ბატონ გახარიას მთავრობის კანცელარიასთან. მას წარმოდგენა არ აქვს, რა რეალურ გასაჭირში იმყოფება ხალხი. ხელისუფლებას უნდა ახსოვდეს, კუნთებზე ყურებით, დაშინებით, ჯარიმებით და რეპრესიებით საკუთარ საფლავს გაითხრის“, – განაცხადა ანა დოლიძემ.

ინფორმაციას „მოძრაობა ხალხისთვის“ პრესსამსახური ავრცელებს.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს