ეპიდემიოლოგიურ ვითარებასა და გამკაცრებულ შეზღუდვებზე საერთაშორისო საფინანსო ინსტიტუტების წარმომადგენლებთან და დონორებთან შეხვედრა გაიმართა

საქართველოში არსებული ეპიდემიოლოგიური მდგომარეობა, 28 ნოემბრიდან ამოქმედებული გამკაცრებული შეზღუდვები, მოქალაქეებისა და ბიზნესის მხარდამჭერი ღონისძიებების პაკეტი და ვაქცინაციის ეტაპისთვის მოსამზადებელი სამუშაოები იყო მთავარი თემები ონლაინ-ფორმატის შეხვედრაზე, რომელიც ვიცე-პრემიერ მაია ცქიტიშვილის ხელმძღვანელობით, საერთაშორისო საფინანსო ინსტიტუტების წარმომადგენლებსა და დონორებთან გაიმართა.

საქართველოს მთავრობის პრესსამსახურის ინფორმაციით, ვიდეოკონფერენციაზე, რომელშიც ეკონომიკისა და მდგრადი განვითარების მინისტრი ნათია თურნავა, ჯანდაცვის მინისტრის მოადგილე თამარ გაბუნია და დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი ამირან გამყრელიძე მონაწილეობდნენ, საუბარი შეეხო საქართველოში ეპიდემიოლოგიური ვითარების მართვასთან დაკავშირებულ გეგმებსა და მოლოდინებს.

მთავრობის წევრებმა საერთაშორისო პარტნიორებს ასევე მიაწოდეს ინფორმაცია იმ საკომპენსაციო პაკეტებზე, რასაც ხელისუფლება მოსახლეობასა და ბიზნესსექტორს სთავაზობს.

განსაკუთრებული ხაზგასმით აღინიშნა დონორებისა და საერთაშორისო საფინანსო ინსტიტუტების მხარდაჭერის როლი პანდემიის პირობებში. მხარეებმა ასევე ისაუბრეს სამომავლო თანამშრომლობაზე, რომელიც ორიენტირებულია როგორც ვაქცინაციისთვის მომზადებაზე, ასევე პანდემიით გამოწვეული გლობალური კრიზისის დაძლევის შემდეგ სწრაფ ეკონომიკურ აღდგენაზე.

საერთაშორისო საფინანსო ინსტიტუტებმა დაადასტურეს მზადყოფნა, მომავალშიც განაგრძონ საქართველოს მხარდაჭერა.

შეხვედრაში მონაწილეობდნენ გერმანიის ელჩი საქართველოში ჰუბერტ ქნირში, ევროკავშირის ელჩის მრჩეველი ჟულიენ ქრამპსი, ევროპის საინვესტიციო ბანკის რეგიონული დირექტორი მაჩიე ჩურა, აზიის განვითარების ბანკის რეგიონული დირექტორი შეინ როზენტალი, მსოფლიო ბანკის რეგიონული დირექტორი სებასტიან მოლინეუსი, ევროპის რეკონსტრუქციისა და განვითარების ბანკის რეგიონული დირექტორი კატარინა ბიორლინ ჰანსენი, საერთაშორისო სავალუტო ფონდის რეგიონული დირექტორი სელიმ ჩაკირი და გაეროს მუდმივი კოორდინატორი საქართველოში საბინე მახლი.

იხილეთ ვიდეო:ეპიდემიოლოგიურ ვითარებასა და გამკაცრებულ შეზღუდვებზე საერთაშორისო საფინანსო ინტიტუტების წარმომადგენლებთან და დონორებთან შეხვედრა გაიმართა

ხათუნა ლაგაზიძე - ვინც აირჩიეს, ის წავიდა და ვინც დარჩა, ისინი არ აურჩევიათ, პარლამენტის არალეგიტიმურობას პარლამენტში მარტო ოპოზიციის არარსებობა არ ქმნის
ქართული პრესის მიმოხილვა 15.01.2021
პაატა ცაგარეიშვილი  - საქართველოს სატრანზიტო შესაძლებლობები იმ შემთხვევაში აღმოჩნდება საფრთხის ქვეშ, თუ სომხეთი ახლო მომავალში შეძლებს გახდეს სატრანზიტო ქვეყანა
სოციალური ბარათის პინ კოდის მოქმედების ვადა 15 აპრილამდე გაგრძელდა
ინექსკრედიტი - ახალი პროდუქტი ინტელიექსპრესისგან, ქართველი ემიგრანტებისა და მათი ოჯახის წევრებისთვის
ორამინ-F - საკვები დანამატი, რომელიც ორგანიზმს მატებს სასიცოცხლო ენერგიასა და ტონუსს
ტერაბანკი ბიზნესკლიენტების დასახმარებლად
2021 წლის საოცარი დასაწყისი! Samsung Galaxy S21 |S21+ | S21 Ultra წინასწარი შეკვეთა დაიწყო