აშშ-ის გენერალური პროკურორი - ვერ აღმოვაჩინეთ ისეთი მასშტაბის გაყალბება, რასაც, შესაძლოა, აშშ-ის საპრეზიდენტო არჩევნების შედეგები შეეცვალა

აშშ-ის გენერალური პროკურორის, უილიამ ბარის მტკიცებით, იუსტიციის დეპარტამენტმა ჩატარებული გამოძიების შედეგად 3 ნოემბრის საპრეზიდენტო არჩევნებში ისეთი მასშტაბის გაყალბება ვერ გამოავლინა, რაც არჩევნების განსხვავებულ შედეგს გამოიწვევდა.

უილიამ ბარის თქმით, 2020 წლის საპრეზიდენტო არჩევნებში დარღვევებთან დაკავშირებით გამოძიებას იუსტიციის დეპარტამენტი და ეროვნული უსაფრთხოების დეპარტამენტი ატარებდნენ.

„ამ დროისთვის ჩვენ ვერ აღმოვაჩინეთ იმ მასშტაბის გაყალბება, რაც არჩევნების შედეგებს შეცვლიდა“, - განაცხადა აშშ-ის იუსტიციის დეპარტამენტის ხელმძღვანელმა.

3 ნოემბრის საპრეზიდენტო არჩევნების შემდეგ დონალდ ტრამპმა არაერთხელ განაცხადა, რომ არჩევნები მასშტაბურად გაყალბდა. მისი საარჩევნო გუნდი რამდენიმე შტატში სამართლებრივ დავას აწარმოებს. მედიის ინფორმაციით, 3 ნოემბრის არჩევნებში ჯო ბაიდენმა გაიმარჯვა, რომელმაც საარჩევნო კოლეგიის წევრთა 306 ხმა მოიპოვა, დონალდ ტრამპს კი კოლეგიის 232 ხმა აქვს, რაც გამარჯვებისთვის საჭირო 270 ხმაზე გაცილებით ნაკლებია.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში