გერმანიის ქალაქ ტრიერში ავტომობილის დაჯახების შედეგად დაღუპულა რაოდენობა 5-მდე გაიზარდა, 10-ზე მეტი ადამიანი კი დაშავებულია, - ამის შესახებ ინფორმაციას BBC-ი ავრცელებს.
გამოცემის ცნობით, დაღუპულთა შორის 9 კვირის ბავშვი და მისი მამაც არიან. ოჯახის კიდევ ორი წევრი, ბავშვის დედა და 1 წლის ბავშვი კი საავადმყოფოში არიან გადაყვანილები.
51 წლის მძღოლი დაკავებულია. პროკურატურის ინფორმაციით, ეჭვმიტანილი არაფხიზელ მდგომარეობაში იმყოფებოდა.
ადგილობრივი ხელისუფლების განცხადებით, ისინი არ განიხილავენ ვერსიას იმასთან დაკავშირებით, რომ ინციდენტი პოლიტიკურად ან რელიგიურად მოტივირებული იყო.
შეგახსენებთ, გუშინ გერმანიის ქალაქ ტრიერში ავტომობილი ფეხით მოსიარულეებს დაეჯახა.