წყალმომარაგების კომპანია გუდაურში 40 მილიონი ლარის ღირებულების პროექტებს ახორციელებს

წყალმომარაგების კომპანიის ინფორმაციით, საკურორტო ზონებში წყლისა და წყალარინების ახალი ინფრასტრუქტურის მოწყობა აქტიურად გრძელდება. კომპანიის დირექტორი, გიგა მანდარია, გუდაურში მიმდინარე პროექტებს ადგილზე გაეცნო და არსებული ვითარება შეაფასა.

„შეგვიძლია ვთქვათ რომ, გუდაურში წყლის საკმარისი რაოდენობაა. გათოვლიანების სისტემისთვის დაახლოებით 80 000 კუბური მეტრი მოცულობის წყალი უკვე განთავსებულია რეზერვუარში. შესაბამისად, საჭიროებიდან გამომდინარე კურორტი აღნიშნული წყლის მარაგს გამოიყენებს გათოვლიანებისთვის. გარდა ამისა აქტიურად მიმდინარეობს წყალმომარაგებისა და წყალარინების სისტემის მშენებლობა", - აღნიშნა გიგა მანდარიამ.

კომპანიის ინფორმაციით, ამ დროისთვის გუდაურში, როგორც საერთაშორისო, ასევე ადგილობრივი ბიუჯეტით დაფინანსებული რამდენიმე პროექტი მიმდინარეობს. მათი ჯამური ღირებულება დაახლოებით 40 მილიონ ლარს შეადგენს.

„პროექტებით გათვალისწინებულია წყალმომარაგებისა და წყალარინების სისტემისა და წყალარინების გამწმენდი ნაგებობების მშენებლობა. დასრულების ეტაპზეა სათავე ნაგებობებისა და ჭაბურღილების მოწყობა. გარდა ამისა კომპანიამ უკვე დაასრულა გათოვლიანებისთვის საჭირო ხელოვნური რეზერვუარის წყლით შევსება. სამუშაოების შედეგად, გუდაურის მოსახლეობა და იქ ჩასული დამსვენებლები წყლისა და წყალარინების გამართული ინფრასტრუქტურით იქნებიან უზრუნველყოფილნი. თანამედროვე სტანდარტების შესაბამისი წყალარინების გამწმენდი ნაგებობები მნიშვნელოვნად შეამცირებს ეკოლოგიური დაბინძურების რისკებს რეგიონში“,-აღნიშნულია ინფორმაციაში.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 20.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
რუსეთის პოლიტიკური-სამხედრო დემარში:   მეტად კონკრეტულად ცალკეული ასპექტების შესახებ
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!