რუსეთში ბოლო 24 საათში კორონავირუსის 25 345 ახალი შემთხვევა დაფიქსირდა და ინფიცირებულთა საერთო რაოდენობა 2 347 401-მდე გაიზარდა.
ამასთან, ქვეყანაში კიდევ 589 ინფიცირებული გარდაიცვალა. პანდემიის დაწყებიდან დღემდე რუსეთში 41 053 ფატალური შემთხვევაა დადასტურებული.
აღსანიშნავია, რომ ბოლო 24 საათში დაფიქსირებული გარდაცვალების შემთხვევები რეკორდული მაჩვენებელია ქვეყნისთვის პანდემიის დაწყების დროიდან.
რაც შეეხება გამოჯანმრთელებულთა რაოდენობას, რუსეთში ვირუსისგან გამოჯანმრთელდა 1 830 349 ადამიანი.
რუსეთი კორონავირუსის დადასტურებული შემთხვევების რაოდენობით მსოფლიოში, აშშ-ის, ინდოეთისა და ბრაზილიის შემდეგ მეოთხე ადგილზეა.