აზერბაიჯანის პრეზიდენტმა ილჰამ ალიევმა ხელი მოაწერა ბრძანებას აზერბაიჯანის რესპუბლიკაში გამარჯვების დღის დაწესების შესახებ, - ამის შესახებ ინფორმაციას ადგილობრივი მედია ავრცელებს. ბრძანების თანახმად, „გამარჯვების დღეს“ აზერბაიჯანში ყოველი წლის 10 ნოემბერს აღნიშნავენ.
ილჰამ ალიევმა ასევე ხელი მოაწერა ბრძანებას 27 სექტემბერის ხსოვნის დღედ გამოცხადების შესახებ.
შეგახსენებთ, აზერბაიჯანსა და სომხეთს შორის სიტუაცია 27 სექტემბერს დაიძაბა და მთიან ყარაბაღში საომარი მოქმედებები მხოლოდ 10 ნოემბრის 00:00 საათიდან, რუსეთის, აზერბაიჯანისა და სომხეთის ლიდერების მიერ ცეცხლის შეწყვეტის შესახებ დოკუმენტის ხელმოწერის შემდეგ შეწყდა.