აზერბაიჯანში გასული დღე-ღამის განმავლობაში კორონავირუსის 3 942 ახალი შემთხვევა დადასტურდა და ინფიცირებულთა საერთო რაოდენობა 129 544- მდე გაიზარდა. ინფორმაციას ადგილობრივი მედია მინისტრთა კაბინეტთან არსებულ ოპერატიულ შტაბზე დაყრდნობით ავრცელებს.
მათივე განცხადებით, ვირუსს ქვეყანაში კიდევ 37 ადამიანის სიცოცხლე ემსხვერპლა და დაღუპულთა რიცხვმა 1 470-ს მიაღწია.
ქვეყანაში კოვიდ 19-სგან დღემდე 79 162 პაციენტი განიკურნა, ამჟამად კი 47 272 აქტიური შემთხვევა ფიქსირდება.