რატი იონათამიშვილი - მისასალმებელია, რომ საქართველოს მთავრობამ ადრეულ ეტაპზე დაიწყო კოვიდ ვაქცინაციისთვის მზადება

ინტენსიური ტესტირება და ინფიცირების სტატუსზე მოქალაქეების მაქსიმალური ინფორმირება, მნიშვნელოვნად შეუწყობს ხელს ვირუსის გავრცელების შეკავებას,-ამის შესახებ ფრაქცია „ქართული ოცნების“ თავმჯდომარე, რატი იონათამიშვილმა განაცხადა.

რატი იონათამიშვილი ადრეულ ეტაპზე კოვიდ ვაქცინაციისთვის მზადების პროცესის დაწყებას მიესალმება და აცხადებს, რომ ხელისუფლებისთვის და მმართველი გუნდისთვის არსებული გამოწვევების შესაბამისი გადაწყვეტილებების მიღება, კვლავაც უმთავრესი პრიორიტეტია.

„ინტენსიური ტესტირება და ინფიცირების სტატუსზე მოქალაქეების მაქსიმალური ინფორმირება, მნიშვნელოვნად შეუწყობს ხელს ვირუსის გავრცელების შეკავებას და დადებითად აისახება ჩვენი მოქალაქეების უსაფრთხოებაზე. მნიშვნელოვანია, რომ ეს ღონისძიებები გატარდება 2-თვიანი გეგმის ფარგლებში და დღეში მხოლოდ სახელმწიფო დაახლოებით 20 ათასი ტესტს გააკეთებს, რასაც დაემატება კერძო ლაბორატორიების მიერ ჩატარებული ტესტები. განსაკუთრებით ფართოვდება ანტიგენზე დამყარებული ტესტების გამოყენება, რომლის პასუხის მიღება დაახლოებით 20 წუთის განმავლობაში იქნება შესაძლებელი. ასევე, მისასალმებელია, რომ საქართველოს მთავრობამ ადრეულ ეტაპზე დაიწყო მზადება კოვიდ ვაქცინაციისთვის. საკოორდინაციო საბჭოს მიერ შექმნილია სპეციალური უწყებათაშორისი სამუშაო ჯგუფი. ის ემსახურება როგორც ვაქცინის დროულ შემოტანას, ასევე, ყველანაირი წინა მოსამზადებელი სამუშაოს ჩატარებას, როგორც ინფრასტრუქტურული, ისე ლოგისტიკური კუთხით, რათა ქვეყანა მომზადებული შეხვდეს ვაქცინაციის პროცესის დაწყებას. ყოველ ეტაპზე, საზოგადოებასთან აქტიური კომუნიკაცია და არსებულ გამოწვევებთან შესაბამისი გადაწყვეტილებების მიღება, კვლავ რჩება ჩვენი გუნდის უმთავრეს პრიორიტეტად“,-აცხადებს იონათამიშვილი.

რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
პაატა დავითაია - ნეიტრალური პოზიციით ხელისუფლებამ  შესაძლოა,  ისეთი დარტყმები მიიღოს, რაც მას  სრულად ჩამოშლის
ქართული პრესის მიმოხილვა 24.01.2022
გიორგი კანაშვილი - უკვე გაჩნდა დაკვეთა სხვა პოლიტიკური კულტურის მქონე პოლიტიკოსებზე და დროა, პოლიტიკოსებმა ალღო აუღონ ახალ რეალობას
"ავერსსა" და ეროვნულ ოლიმპიურ კომიტეტს შორის თანამშრომლობის მემორანდუმი განახლდა
„ლისი დეველოპმენტმა" International Property Awards-ზე უძრავ ქონებაში ორი ხუთვარსკვლავიანი ჯილდო მიიღო
PSP 2021 წლის „ლიდერ“ ბრენდად დასახელდა
მცირე და საშუალო ბიზნესების გაძლიერების პროგრამა BGROW დაიწყო
"სილქფესტი" მომხმარებლებს ორი დღით სასაუბრო და ინტერნეტ პაკეტებს შესთავაზებს!