მთიანი ყარაბაღის კონფლიქტი მხოლოდ მაშინ იქნება დარეგულირებული, როდესაც საერთაშორისო საზოგადოება აღიარებს ყარაბაღის მცხოვრებთა უფლებას თვითგამორკვევის შესახებ. „არმენპრესის“ ინფორმაციით, ამის შესახებ სომხეთის საგარეო საქმეთა მინისტრმა არა აივაზიანმა განაცხადა.

„კონფლიქტი დარეგულირებულად ჩაითვლება მხოლოდ იმ შემთხვევაში, თუკი არცახის მცხოვრებთა თვითგამორკვევის უფლება აღიარებული იქნება საერთაშორისო საზოგადოების მიერ. ომის დროს მსოფლიო საზოგადოებამ გაამყარა და გააღრმავა ის აღქმა, რომელსაც ჩვენ 26 წლის განმავლობაში დაჟინებით ვითხოვდით. ეს არის საკითხი თავისუფალი და ღირსეული ადამიანების შესახებ, რომლებიც თავის ისტორიულ სამშობლოში ცხოვრობენ“,- განაცხადა საგარეო საქმეთა მინისტრმა.