იტალიაში კორონავირუსით გასული დღე-ღამის განმავლობაში 993 ადამიანი გარდაიცვალა. „გარდიანის“ ცნობით, ეს ქვეყნისთვის ვირუსით სიკვდილიანობის ყველაზე მაღალი დღიური მაჩვენებელია პანდემიის დაწყების მომენტიდან. მანამდე ქვეყანაში კორონავირუსით გარდაცვალების რეკორდული მაჩვენებელი პანდემიის პირველი ტალღის დროს 27 მაისს დაფიქსირდა - 919 შემთხვევა.
გარდა ამისა, იტალიაში ბოლო დღე-ღამში კოვიდ-19-ის კიდევ 23 255 ახალი შემთხვევა გამოვლინდა. წინა დღეს ეს მონაცემი 20 709 იყო. სულ კორონავირუსს იტალიაში 58 038 ადამიანი ემსხვერპლა.
დაინფიცირებულთა საერთო რაოდენობა კი 1.6 მილიონს აჭარბებს. „როიტერის“ მონაცემებით, სულ საავადმყოფოებში 31 772 ადამიანი მკურნალობს, 3 600-მდე პირს კი ინტენსიური თერაპიის განყოფილებებში უტარდება შესაბამისი მკურნალობა.