იაგო ხვიჩია - სისულელე დავწერე, რაზეც „ჯაფარას“ ბოდიშს ვუხდი - მე რა უნდა დავტოვო, ან „ჯაფარამ“ როგორ უნდა დატოვოს, ვერ წარმომიდგენია

მეც მაინტერესებს, სინამდვილეში რა ხდება, - ამის შესახებ „გირჩის“ წევრმა, იაგო ხვიჩიამ, თანაპარტიელებთან გამიჯვნის თაობაზე პარტიის ლიდერის, ზურაბ ჯაფარიძის გადაწყვეტილებაზე კომენტირებისას აღნიშნა.

იაგო ხვიჩიას თქმით, ის ზურაბ ჯაფარიძეზე გაბრაზებული იყო მან სოციალურ ქსელში პოსტი დაწერა, რის გამოც ბოდიშს უხდის.

„დილით გავიღვიძე, ეს პოსტი დამხვდა. სისულელე დავწერე, რაზეც „ჯაფარას“ ბოდიშს ვუხდი. მეტი არაფერი ვიცი. მეც მაინტერესებს, სინამდვილეში რა ხდება. ვახტანგ მეგრელიშვილი და ზურა ჯაფარიძე ერთმანეთთან იდეალურად არ იყვნენ. ეს გუშინ არ წარმოშობილა. მე და „ჯაფარა“ ჩემი გაგებით, გუშინ წინ მეგობრები ვიყავით, გუშინ არ მინახავს“, - აცხადებს ხვიჩია.

კითხვაზე, აპირებს თუ არა „გირჩის“ დატოვებას, ხვიჩია პასუხობს: „მე სად უნდა წავიდე, მე აქ დავიბადე, მე აქ ვცხოვრობ”.

„არ ვფიქრობ, რომ რამე უნდა დავტოვო. გუშინაც იგივე ვიყავი, გუშინწინათაც, დღესაც. ჩემ ცხოვრებაში არაფერი შეცვალილა, არ ვიცი რაღაც რატომ მოხდა. მე რა უნდა დავტოვო, ან „ჯაფარამ“ როგორ უნდა დატოვოს, ეს ვერ წარმომიდგენია“, - აცხადებს იაგო ხვიჩია.

შეგახსენებთ, რომ იაგო ხვიჩიამ ზურაბ ჯაფარიძის გადაწყვეტილებაზე რამდენიმე საათის წინ სოციალურ ქსელში ასეთი კომენტარი გააკეთა: „არასერიოზული, სიგიჟე. ატოცზე ტ...ის მჩვენებელი კაცი წერს ამას. თან რაზე, პორნოს ნახვაზე? ცუდია ეს ყველაფერი, მარა რას ვიზამთ, გაიგებთ, რას ვიტანდი მთელი ეს წლები“, – დაწერა იაგო ხვიჩიამ.

ალექსანდრე თვალჭრელიძე - ჩვენი პოლიტიკური სპექტრის ნარატივი ინფანტილური და ფიცარივით ბრტყელია, არ გამოვრიცხავ ახალი პარტიის დაფუძნებას
ქართული პრესის მიმოხილვა 20.01.2021
ანდრია გვიდიანი - „ენგურჰესის“ გაჩერებამ კიდევ ერთხელ დაგვანახა, რომ ახალი ჰესების მშენებლობა სასიცოცხლოდ მნიშვნელოვანია
ეფექტური გზა რესპირაციული ინფექციების პრევენციისთვის
D ვიტამინის გავლენა რეპროდუქციულ ჯანმრთელობაზე