ათი წლის განმავლობაში პირველად რუსეთის სამხედრო-საზღვაო ძალების გემები ნატოს ქვეყნებთან ერთად ერთობლივ წვრთნებში მიიღებენ მონაწილეობას,- რუსული მედიის ინფორმაციით, ამის შესახებ შავი ზღვის ფლოტის პრესსამსახურის მიერ გავრცელებულ განცხადებაშია ნათქვამი.
მათივე ინფორმაციით, წვრთნები - AMAN-2021 - მომავალი წლის თებერვალში პაკისტანის სანაპიროებთან, კარაჩის აკვატორიაში ჩატარდება.
"წვრთნებში პაკისტანისა და რუსეთის საზღვაო ძალების გარდა მონაწილეობას მიიღებენ: აშშ-ის საზღვაო ძალები, დიდი ბრიტანეთის სამეფო სამხედრო-საზღვაო ძალები, ჩინეთის სახალხო რესპუბლიკის სამხედრო-საზღვაო ძალები, იაპონიის საზღვაო თავდაცვის ძალები, თურქეთის სამხედრო-საზღვაო ძალები, ფილიპინების სამხედრო-საზღვაო ძალები, მალაიზიის სამეფო საზღვაო ძალები, შრი-ლანკას სამხედრო-საზღვაო ძალები და ინდონეზიის სამხედრო-საზღვაო ძალები,” - ნათქვამია რელიზში.