საქართველოს პარლამენტში ცესკო-ს თავმჯდომარე თამარ ჟვანია მივიდა. ჟვანიას პარლამენტის შენობაში შესვლა სამოქალაქო აქტივისტების შეძახილებისა და „სირცხვილის კორიდორის“ გავლის ფონზე მოუწია.

„მონა, მონა"- ამ შეძახილებით საქართველოს პარლამენტთან სამოქალაქო აქტივისტები საპროტესტო აქციას მართავენ. მათ საკანონმდებლო ორგანოს ყველა შესასვლელთან „სირცხვილის კორიდორი“ აქვთ მოწყობილი.

სწორედ ამ შეძახილებისა და ე.წ. სირცხვილის კორიდორის ფონზე შედიან პარლამენტის შენობაში ახალი მოწვევის დეპუტატებიც.

როგორც აქციის მონაწილეები აცხადებენ, ისინი დარჩებიან პარლამენტის შენობასთან მე-10 მოწვევის პარლამენტის პირველი სხდომის პარალელურად.

აქციაზე აქტივისტებმა ყვავილები მიიტანეს და პარლამენტის შესასვლელთან დაყარეს. მათი თქმით, ეს არის იმის სიმბოლო, რომ "ქართული ოცნების" დეპუტატებს "უკანასკნელ გზაზე აცილებენ".

პარლამენტის შენობის გვერდით მდებარე ქუჩებზე საავტომობილო მოძრაობა გადაკეტილი არ არის.

შენობის შესასვლელებთან მობილიზებულია საპატრულო პოლიცია.