რა თქმა უნდა, მე ვარ დარწმუნებული ამაში, რომ ყველა ოპოზიციური პარტია მოაწერს მემორანდუმს ხელს, ვიცით ალეკო ელისაშვილის პოზიცია, დანარჩენი ყველა მოაწერს ხელს, - ამის შესახებ „ნაციონალური მოძრაობის წარმომადგენელმა დევი ჭანკოტაძემ განაცხადა.
კითხვაზე, იზიარებენ თუ არა „გაერთიანებული ოპოზიციის“ შეხედულებას მათ რიგებში შემავალი „რესპუბლიკური პარტიის“ წარმომადგენლებიც, რომლებმაც განაცხადეს, რომ მანდატებზე უარის თქმის თაობაზე პარლამენტს მოლაპარაკებების დასრულების შემდეგ მიმართავენ, დევი ჭანკოტაძემ განაცხადა, რომ ის დარწმუნებულია „რესპუბლიკური პარტიის“ პოზიციაშიც.
„მე დარწმუნებული ვარ, რომ „რესპუბლიკური პარტიის“ წარმომადგენლებიც გაიზიარებენ ჩვენს პოზიციას, არავითარი პრობლემა არ არის მაგასთან დაკავშირებით.
ეს პარლამენტი ლეგიტიმური არ არის როგორც ქვეყნის შიგნით, ასევე ქვეყნის გარეთ და შესაბამისი პრობლემა მოჰყვება, როგორც ქვეყნის შიგნით, ასევე მის გარეთ,“- განაცხადა დევი ჭანკოტაძემ.