თამარ ჟვანია - წელს საარჩევნო ადმინისტრაციას საკუთარი საქმიანობის განხორციელება გამორჩეულად დაძაბულ პოლიტიკურ გარემოში მოუწია

წელს საარჩევნო ადმინისტრაციას საკუთარი საქმიანობის განხორციელება გამორჩეულად დაძაბულ პოლიტიკურ გარემოში მოუწია,- აღნიშნული შეფასება პარლამენტის ტრიბუნიდან ცესკო-ს თავმჯდომარემ თამარ ჟვანიამ გააკეთა.

როგორც ჟვანიამ პარლამენტის პლენარულ სხდომაზე განაცხადა, მიმდინარეობდა კამპანიური ხასიათის ზეწოლა, უწყვეტ რეჟიმში ვრცელდებოდა სხვადასხვა ტიპის დეზინფორმაცია ადმინისტრაციის დისკრედიტაციის მიზნით.

„გამოიყენებოდა ინსტიტუციაზე ზეწოლის სრულიად მიუღებელი ფორმები. კომისიის წევრებს უწევდათ სტრესულ გარემოში საკუთარი საქმიანობის განხორციელება. თუმცა საარჩევნო ადმინისტრაციამ კანონმდებლობის სრული დაცვით შეასრულა ყველა საჭირო პროცედურა, რაც არჩევნების პროცესის წარმართვისთვის იყო აუცილებელი“, - განაცხადა თამარ ჟვანიამ.

ცენტრალური საარჩევნო კომისიის თავმჯდომარემ პარლამენტის არჩევნების შედეგები და პარლამენტის წევრთა უფლებამოსილების ცნობისთვის საჭირო დოკუმენტაცია წარუდგინა.

ახლა დროებითი სამანდატო კომისია წარდგენილ დოკუმენტაციას სწავლობს და შედეგებს პარლამენტს მოახსენებს, რის შემდეგაც პარლამენტის წევრების უფლებამოსილების ცნობა მოხდება.

იხილეთ ვიდეო:თამარ ჟვანიას თქმით, საარჩევნო ადმინისტრაციას საქმიანობა წელს გამორჩეულად დაძაბულ პოლიტიკურ გარემოში მოუწია

ისრაელის ელჩი - საქართველოს ყველა მეგობრისთვის 5 ივლისის მოვლენები აბსოლუტურად შოკისმომგვრელი იყო
ქართული პრესის მიმოხილვა 29.07.2021
კახა გოგოლაშვილი - როცა სტაბილიზაციისკენ მიმართული ნებისმიერი კონსტრუქცია ინგრევა, იქ სამოქალაქო დაპირისპირების საფრთხეც არსებობს
გიორგი ხვედელიანი - ვადამდელი არჩევნების დანიშვნას მიშელის ხელშეკრულება კი არა, ქართველი ხალხის ნება გადაწყვეტს
კომპანია "იორკ თაუერსმა" დავით ტურაშვილთან ერთად ახალი კამპანია წამოიწყო
"სამსუნგის" Bespoke მაცივარი - შექმნილია შენთვის, შენ მიერ (R)
GIZ-ის მხარდაჭერით დაგეგმილია გარემოს ეროვნული სააგენტოს ხელშეწყობა თანამედროვე მონიტორინგული სისტემების დანერგვის პროცესში
„ნიკოს ეზო“ და „ფარდაგები რაჭიდან“ - Social Impact Award-ის ფინალისტები საგანმანათლებლო სფეროდან