გია ვოლსკი - მავნებლობა, რომელიც ჩვენს ოპონენტებს განუზრახავთ, მხოლოდ პარლამენტის ან ქვეყნის მიმართ დამოკიდებულებას არ ეხება, ეს გაცილებით სერიოზულ პრობლემას ქმნის

მავნებლობა, რომელიც ჩვენს ოპონენტებს განუზრახავთ, მხოლოდ პარლამენტის ან ქვეყნის მიმართ დამოკიდებულებას არ ეხება, არც მათ პირად მისწრაფებებს, ეს გაცილებით სერიოზულ პრობლემას ქმნის,- ასე გამოეხმაურა „ქართული ოცნების“ დეპუტატი გია ვოლსკი საქართველოში მიმდინარე პოლიტიკურ პროცესებთან დაკავშირებით ევროპარლამენტარების განცხადებებს.

როგორც ვოლსკი აღნიშნავს, მოკავშირეების მოწოდებები გულისხმობს იმას, თუ როგორი საქართველოს ნახვა სურთ მათ.

„როდესაც ევროკავშირის, ამერიკის შეერთებული შტატების თუ სხვა ქვეყნის წარმომადგენელები მოუწოდებენ, ეს არ არის მათი პირადი ემოცია, ეს არის სურვილი, თუ როგორი უნდათ ჩვენს მოკავშირეებს, რომ საქართველო დაინახონ. კარგად იცით, რომ რეგიონში ურთულესი მოვლენები მიმდინარეობს. მსოფლიოში დაპირისპირება სერიოზულ დონეზეა და აქედან გამომდინარე, რასაკვირველია, სტაბილური პლატფორმა მათთვის ძალიან მნიშვნელოვანია“,- განაცხადა ვოლსკიმ.

ცნობისთვის, ევროპარლამენტარებმა ევროპარლამენტის საგარეო ურთიერთობათა კომიტეტის სხდომაზე საქართველოში არსებულ პოლიტიკურ პროცესებთან დაკავშირებით განცხადებები გააკეთეს. როგორც ევროპარლამენტარმა სვენ მიქსერმა განაცხადა, დასანანი იქნება, თუ ოპოზიციის წევრები არ შევლენ პარლამენტში. ევროპარლამენტარმა მარკეტა გრეგოროვამ კი პოლიტიკურ პარტიებს შეთანხმების მიღწევისკენ მოუწოდა და აღნიშნა, რომ პარლამენტის წევრებმა საკანონმდებლო ორგანოში თავიანთი ადგილები უნდა დაიკავონ. კიდევ ერთი ევროპარლამენტარის, ანდრიუს კუბილიუსის განცხადებით, ფუნქციონალური პარლამენტის გარეშე, საქართველო ძალიან მნიშვნელოვან დროს ძალიან ბევრს დაკარგავს. ევროპარლამენტის წევრმა, ესტონელმა პოლიტიკოსმა ურმას პაეტმა კი განაცხადა, რომ ოპოზიციის მიერ საპარლამენტო მანდატებზე უარის თქმა ხელს შეუშლის დემოკრატიისთვის სასიცოცხლოდ მნიშვნელოვანი ინსტიტუტის ფუნქციონირებას.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა