გერმანიაში კორონავირუსის 28 438 ახალი შემთხვევა გამოვლინდა და ინფიცირებულთა საერთო რაოდენობა 1 300 516 მდე გაიზარდა, - შესაბამის მონაცემებს რობერტ კოხის ინსტიტუტი ავრცელებს.
ამავე მონაცემების თანახმად, ქვეყანაში ვირუსს კიდევ 496 ადამიანის სიცოცხლე ემსხვერპლა და დაღუპულთა რიცხვმა, საერთო ჯამში, 21 466-ს მიაღწია.
შეგახსენებთ, გერმანიაში 2 ნოემბრიდან ე.წ. მსუბუქი ლოქდაუნის რეჟიმი მოქმედებს. დახურულია რესტორნები, ბარები, თეატრები, ფიტნეს-კლუბები, საცურაო აუზები, კინოთეატრები და საკონცერტო დარბაზები, თუმცა სკოლები და მაღაზიები მუშაობას განაგრძობენ. გერმანიის კანცლერმა ანგელა მერკელმა ორი დღის წინ უფრო მკაცრი „ლოქდაუნის“ დაწესების საჭიროებაზე ისაუბრა.