„ევროპული საქართველო“ - „ოცნების“ წევრებს, სავარაუდოდ, წინასწარ, უკანონოდ ჰქონდათ მოპოვებული ინფორმაცია ISFED-ის ხმების პარალელური დათვლის შედეგებთან დაკავშირებით

პარტია „ევროპულ საქართველოში“ აცხადებენ, რომ „ქართული ოცნების“ წევრებს, სავარაუდოდ, წინასწარ ჰქონდათ ინფორმაცია მოპოვებული ISFED-ის ხმების პარალელური დათვლის შედეგებთან დაკავშირებით.

როგორც ჟურნალისტებს „ევროპული საქართველოს“ სპიკერმა, თორნიკე დიასამიძემ განაცხადა, „ქართული ოცნების“ წევრები ბოლო პერიოდში „უცნაურად გააქტიურდნენ“.

„ევროპული საქართველო“ არასოდეს დავყრდნობილვართ „სამართლიანი არჩევნების“ პარალელური გადათვლის შედეგებს, როდესაც გაყალბებაზე ვსაუბრობდით და ვსაუბრობთ. PVT ვერ აკონტროლებს ისეთი ტიპის გაყალბებას, როგორიც არის ბიულეტენების ჩაყრა, რომლის ვიდეოზეც „ქართული ოცნების“ სასამართლოში თქვეს, რომ იქნებ სხვა რამ ჩაყარესო. PVT ვერ აკონტორლებს „კარუსელს“ და ძალადობას.

სავარაუდოდ, „ქართული ოცნების“ წევრებს წინასწარ უკანონოდ ჰქონდათ „სამართლიანი არჩევნების“ შედეგებზე ინფორმაცია მოპოვებული, რადგან ძალიან უცნაურად გააქტიურდნენ ბოლო დღეებში, რომ გადაემოწმებინათ „სამართლიანი არჩევნების“ შედეგები, რითიც, მათი აზრით, მახე დაუგეს ოპოზიციას“,-აცხადებენ „ევროპულ საქართველოში“.

ცნობისთვის, „სამართლიანი არჩევნები“ (ISFED) 2020 წლის 31 ოქტომბრის არჩევნების საბოლოო შედეგების დაზუსტებულ ინფორმაციას აქვეყნებს. მათი ინფორმაციით, გამოვლინდა ხარვეზი საარჩევნო სუბიექტების მიერ მიღებული ხმების გამოსათვლელ ფორმულაში. როგორც ორგანიზაციაში აცხადებენ, გასწორების შედეგად, საარჩევნო სუბიექტების მიერ მიღებული ხმების პროცენტული რაოდენობა უმნიშვნელოდ შეიცვალა და აღნიშნული სხვაობა გავლენას არ ახდენს არცერთი საარჩევნო სუბიექტის მიერ მიღებული მანდატების რაოდენობაზე.

„სამართლიანი არჩევნების“ (ISFED) 2020 წლის 31 ოქტომბრის არჩევნების დღის საბოლოო შედეგების დაზუსტებული ინფორმაციით, "ქართული ოცნება - დემოკრატიულ საქართველოს" ხმების 47.6% აქვს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
ქართული პრესის მიმოხილვა 26.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
საქართველოს რეგიონალური პოზიციონირება ყარაბაღის კონტექსტის გათვალისწინებით: ცალკეული ასპექტები
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა