ხატია დეკანოიძე - “ქართულმა ოცნებამ” მოლაპარაკებებს წერტილი ირაკლი კობახიძის განცხადებებით, დაუსვა - ნამდვილად, არ მაქვს პოზიტიური მოლოდინი

„ქართულმა ოცნებამ” მოლაპარაკებებს წერტილი ირაკლი კობახიძის განცხადებებით, დაუსვა, - ამის შესახებ “ნაციონალური ­მოძრაობის” წევრმა ხატია დეკანოიძემ “ინტერპრესნიუსთან” განაცხადა.

მისივე თქმით, ხელისუფლება, მოლაპარაკებების პარალელურად, ოპოზიციაზე მუქარას და შანტაჟს ახორციელებს.

“იქნება თუ არა მოლაპარაკებების შემდეგი რაუნდი, ამის შესახებ, ინფორმაცია არ მაქვს, ამიტომ არ შემიძლია დავადასტურო ან უარვყო.

ამ მოლაპარაკებების პარალელურად ხელისუფლება ბატონი კობახიძის სახით, ღიად ემუქრება ოპოზიციას. მათ შორის ამბობს, რომ “ნაციონალურ მოძრაობას” მოუხსნის რეგისტრაციას, ასევე მცირე პარტიებს ეუბნება, რომ „მე არ მაინტერესებს თქვენ შემოხვალთ თუ არა პარლამენტში, ცვლილებებს მაინც მივიღებთ, ვინც შემოვა დაფინანსებას მიიღებს და ვინც არ შემოვა ვერ მიიღებს“. ანუ მოლაპარაკებების პარალელურ რეჟიმში მუქარა და შანტაჟი გაგრძელდა ხელისუფლებიდან ოპოზიციის მისამართით, რაც რა თქმა უნდა, ნიშნავს იმას, რომ “ქართულმა ოცნებამ” პრაქტიკულად, მოლაპარაკებებს წერტილი, ირაკლი კობახიძის განცხადებებით დაუსვა, შესაბამისად ამ მოლაპარაკებებიდან, ნამდვილად, არ მაქვს პოზიტიური მოლოდინი”, - განაცხადა ხატია დეკანოიძემ.

ცნობისთვის, ხელისუფლებასა და ოპოზიციას შორის მოლაპარაკებების ოთხი რაუნდი შეთანხმების გარეშე დასრულდა. შეხვედრები ფასილიტატორი ელჩების მონაწილეობით მიმდინარეობს.

ვლადიმერ ფესენკო - უკრაინის გარეშე უკრაინის მომავალზე შეთანხმების ნებისმიერი მცდელობები დამარცხებისთვისაა განწირული
დავით თვალაბეიშვილი - ჩვენ მხარს ვუჭერთ ევროკავშირის ენერგეტიკული გაერთიანების მედიაციის გაგრძელებას და მოვუწოდებთ მასში ჩართულ ყველა მონაწილეს, გამოვიყენოთ ეს შესაძლებლობა
ქართული პრესის მიმოხილვა 23.07.2021
თორნიკე შარაშენიძე - ხელისუფლების სერიოზული შეცდომა იყო ვაშინგტონისთვის არასწორი ინფორმაციის მიწოდებაში აშშ-ს ელჩის დადანაშაულება, შესაძლოა, ეს ამბავი მათ მომავალში ცუდადაც კი დაუბრუნდეთ
პირველად საქართველოში - დავით ტატიშვილის სამედიცინო ცენტრში უნიკალური ოპერაცია ჩატარდა
მინერალური წყალი „ბორჯომი“ ახალ კამპანიას იწყებს
„სინერჯი“ თევზის კომპანია „უმალის“ პარტნიორი გახდა
დავით ტატიშვილის სამედიცინო ცენტრმა ამჯერად ახალი ამბულატორიული ცენტრი აჭარის რეგიონში, ბათუმში გახსნა