პარლამენტის საფინანსო-საბიუჯეტო კომიტეტის თავმჯდომარის პირველი მოადგილე დეპუტატი პაატა კვიჟინაძე გახდა, ხოლო უმრავლესობის ფრაქცია „ქართული ოცნების“ კვოტით, მოადგილის თანამდებობაზე ირაკლი ზარქუა აირჩის.
საფინანსო-საბიუჯეტო კომიტეტში თავმჯდომარის ერთი მოადგილის პოსტი ვაკანტურია. ამ შემთხვევაში კანდიდატურის ნომინირების უფლება ოპოზიციას აქვს. კომიტეტის თავმჯდომარემ ირაკლი კოვზანაძემ იმედი გამოთქვა, რომ ვაკანსია შეივსება და აღნიშნა ისიც, რომ კომიტეტს ოპოზიციასთან თანამშრომლობის კარგი გამოცდილება აქვს.